1. Mose 45:14 - O Debleskro Drom 2021 (Sinte)

¹⁴ Un job peras peskro phraleske Benjamin trul i meen un rowas. Un ninna o Benjamin rowas ap leskro betch.

O Debleskro Lab 2024 (Sinte-Manouche)

¹⁴ Oun yob peras peskro phraleske Benyamin troul i meen oun rovas. Oun ninna o Benyamin rovas ap leskro beč.

1. Mose 45:14 ပူးပေါင်းရင်းမြစ်များ

1. Mose 29:11

Un o Jakob tchumras i Rachel un rowas soreles, kai lauter kowa shunan.

1. Mose 33:4

Koi nashas o Esau pash leste, las les trul i meen un tchumras les. Un hake dui rowan.

1. Mose 42:24

Har o Josef kanna lengre laba shunas, rissras pes lo lendar krik un rowas. Koi pal was job pale, te rakrell lo lentsa. Un job mukas o Simeones te pandell glan lengre jaka.

1. Mose 43:30

Har o Josef peskro phrales dikas, his leske ropaske. Un job djas sik an peskri isema un rowas koi.

1. Mose 45:15

Un job tchumras peskre tsele phralen un rowas ap lengro betch. Un koi pal rakran leskre phrala leha.

1. Mose 45:2

Un job rowas soreles. Un i Egiptarja shunan kowa, ninna i menshe an o kheer o baro rajestar.

1. Mose 46:29

Har jon an o them Gosen wan, pandas o Josef i graja glan peskro wurdin un uleras an o them Gosen pash peskro dadeste Israel. Har o Josef les dikas, tchiwas job peskre mussja trul leste, un rowas ap leskro betch un nai heras gar pre.

Louka 15:20

Un job stas pre, un djas pash peskro dadeste pale. Har leskro dad les dural dikas, khaitas o tchawo les. Un o dad nashas pash leste, tapras les trujel, un tchumras les.

Remarja 1:31

Jon kamenn tchi te haiwell. Jon rikrenn gar pengro lab. Len hi kek kamlepen, witar kek dji i wawarenge.