1. Mose 44:1 - O Debleskro Drom 2021 (Sinte)

¹ Un job penas ap koleste, kai ap leskro kheer garda das: “Kre i gone kol murshendar pherdo djob, jaake bud har dren djala. Un tchip hakeneskre lowe pral an lengre gone!

O Debleskro Lab 2024 (Sinte-Manouche)

¹ Oun yob penas ap koleste, kay ap leskro kheer garda das: “Kre i gone kol morshendar pherdo djob, yaake boud har dren djala. Oun čip hakeneskre love pral an lengre gone!

1. Mose 44:1 ပူးပေါင်းရင်းမြစ်များ

1. Mose 24:2

Koi penas o Abraham ap peskro pralstuno budepaskro, kai das garda ap halauter, hoi o Abrahames his: “De tiro wast koi pre,

1. Mose 42:25

Un o Josef penas ap peskre budepangre, te krenn le lengre gone pherdo djob, un te denn le len lengre lowe pale, – hakeneske an leskro gono, un te denn le len chapen ap o drom. Kowa kran jon.

1. Mose 42:35

Har tchoran kol phrala pengre gone win, hatsas hakeno peskre lowe an peskro gono! Har jon un lengro dad kol lowe dikan, was len daar.

1. Mose 43:16

Har o Josef dikas o Benjamines pash lende, penas lo ap koleste, kai ap leskro kheer garda das: “An kol murshen an o kheer! Marenn viechen un krenn i chapen! Kol mursha chan kau diwes mantsa.”

1. Mose 43:19

Un jon djan pash koleste, kai ap o Josefeskro kheer garda das, un rakran leha glan o wudar.

1. Mose 43:2

Har jon o tselo djob pre chan, hoi lan jon dran o them Egiptia, penas o Jakob ap peskre tchawende: “Djan pale an o them Egiptia un ginenn menge budeder djob!”

1. Mose 44:2

Un miro rupeno khoro tchip khetne lengre lowentsa pral an o gono ko terneder murshestar!” Un ko rom kras, har o Josef leske penas.

Jesaja 3:1

O baro Dewel, ko rai pral o bolepen un i phub, lell dran o foro Jerusalem un dran o them Juda lauter krik, ap koleste i menshe pen rikran un hoi len soor das. O tselo maro un o tselo pani lell lo lendar krik.