1. Mose 43:8 - O Debleskro Drom 2021 (Sinte)

⁸ Un o Juda penas ap peskro dadeste Israel: “Bitche ko tchawes mantsa! Un mer nai djah kanna, te djiwas un meras gar i bokatar – tu un mer un mare tchawe!

O Debleskro Lab 2024 (Sinte-Manouche)

⁸ Oun o Youda penas ap peskro dadeste Israel: “Biče ko čaves mantsa! Oun mer nay djah kanna, te djivas oun meras gar i bokatar – tou oun mer oun mare čave!

1. Mose 43:8 ပူးပေါင်းရင်းမြစ်များ

1. Mose 42:2

Shunom, koi hi djob an o them Egiptia. Djan koi un ginenn menge djob, te djiwas mer un meras gar!”

1. Mose 42:38

“Na-a”, penas o Jakob. “Miro tchawo djal gar tumentsa! Leskro phraal hi mulo. Un job kokres atchas mange leskri datar i Rachel. Me hom i phuro rom. Te taprels les i bibacht ap o drom, meraus i bari dukatar.”

1. Mose 44:20

Un mer penam ap tute, miro rai: ‘Men hi i phuro dad un i terno phraal, kai boldo was, har maro dad phuro his. Leskro phraal hi mulo. Un job kokres atchas pral peskri datar. Un leskro dad kamell les i djijestar.’

1. Mose 44:26

‘Te well maro terneder phraal gar mentsa, nai djah gar. Te hi job gar pash mende, nai wah gar glan ko romeskre jaka.’

1. Mose 45:19

Ap tute penau, te dess len wurdja dran o them Egiptia lengre tchawenge un romjenge, te lenn le pengro dades kai!

1. Mose 50:21

Ma darenn! Me dikau ap tumende un tumare tchawende.” Jaake rakras job latche labentsa ap lengre djia.

1. Mose 50:8

Ninna i tsele menshe dran o Josefeskro kheer un leskre phrala un i wawar menshe dran leskro dadeskro kheer djan leha. Kokres lengre tchawe, lengre bakre un grumja mukan jon an o them Gosen.

2. Rajengro liil 7:13

Koi penas jek kol pralstunendar: “Le pantch kol grajendar, kai atchan pral an kau foro! Bitche murshen lentsa win, te djinas, hoi koi glan djala. Ninna te rikrah len kai, djal lenge jaake har kol tsele wawar graja, kai meran.”

2. Rajengro liil 7:4

Ninna te kamah mer an o foro te djal, hi koi i menshen tchi chapaske, un mer hunte meras koi. Un te atchah mer kai, merah ninna. Mer djah pash i lurdende dran Syria. Te mukenn jon men djido, djiwah mer. Krenn jon men mulo, jaake ham mer mulo.”

Esra 8:21

Un me mukom kote pash o pani Ahawa i tsiro win te kharell, kai chas mer tchi, un djas ap i tchanga glan maro Debleste, te djal lauter mishto ap maro drom, te djah an maro them, un te wenn kek tchilatche menshe pral mende un mare tchawende un halauter hoi men hi.

Debleskri gili 118:17

Me merau gar. Na-a, atchau djido, un penau i menshenge, hoi o baro Dewel lauter kras.

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

4. Mose 14:31

Tumare tchawe, kolendar tumer penan: ‘Jon perenn an i wasta kolendar, kai kuram men mer’, kolen anau an ko them, kai tumer gar kaman. Ko them well lengro.

5. Mose 33:6

Palle penas o Mose pral o kheer Ruben: O Ruben te djiwell un merell gar win, ninna te hi leskre menshe kanna gar bud.