1. Mose 43:29 - O Debleskro Drom 2021 (Sinte)

²⁹ Un job dikas pes trujel un dikas peskro phrales Benjamin, ko tchawes peskri datar, un putchas: “Hi kowa tumaro terneder phraal, kolestar rakran?” Un ap leste penas lo: “O Dewel mu dell tut latchepen, miro tchawo.”

O Debleskro Lab 2024 (Sinte-Manouche)

²⁹ Oun yob dikas pes trouyel oun dikas peskro phrales Benyamin, ko čaves peskri datar, oun poučas: “Hi kova t'maro terneder phraal, kolestar rakran?” Oun ap leste penas lo: “O Devel mou dell tout lačepen, miro čavo.”

1. Mose 43:29 ပူးပေါင်းရင်းမြစ်များ

1. Mose 35:24

I tchawe, kolen i Rachel ap i phub anas his o Josef un o Benjamin.

1. Mose 42:11

Mer halauter ham i tchawe jek romestar. Mer djah i tchatcho drom. Mer ham kek phukepangre, kai kamenn te dikell, har sorelo tumaro them hi.”

1. Mose 42:13

Penan jon: “Miro rai, deesh-te-dui phrala ham mer. Ham tchawe jek romestar an o them Kanaan. O terneder hi kanna pash maro dadeste. Un jek hi buder gar koi.”

1. Mose 44:21

Un tu, miro rai, penal ap mende: ‘Anenn les pash mande, te dikap les!’

1. Mose 45:8

Jaake han gar tumer, kai anan man kate. O Dewel anas man kai. Un job kras man dad pral o baro rajeste an o them Egiptia un rai pral koleskro tselo kheer un pral o tselo them Egiptia.

2. Familjakro liil 29:11

Tumer, kai han har mire tchawe, ma nashrenn kek tsiro! Djan ap tumari budi! Tumer han kolla, kai o baro Dewel wi-rodas, te wenn glan leste tardo un budrenn leske un anenn leske viechen un sungepaskro koowa.”

Debleskri gili 111:4

Job mukell men gar te bistrell, hoi lo an peskri bari soor kras. Latcho un kamlo hi lo.

Debleskri gili 112:4

Ninna an i kali rat well i momeli kolenge, kai o tchatcho drom djan, kolenge, kai hi latcho un kamlo un djan pal o tchatchepen.

Debleskri gili 67:1

I gili o rajeske pral i gipangre, te giwell pash o bashepen ap i dorjengre bashepangre.

Jesaja 30:19

Tumer menshe an o foro Jerusalem, kai djiwenn ap i berga Zion, tumer hunte rowenn buder gar. Te denn tumer ap leste gole, hi lo latches ap tumende. Jaake sik har shunell lo tumari gole, rakrell lo ap tumende pale.

Jesaja 33:2

Baro Dewel, ab latches menge! Ap tute dikah. De men soor hako diwes! An ko pharo tsiro le men win dran i bibacht!

Maleachi 1:9

Kanna nai mangenn lestar, tumer rashaja, – jaake bud har kamenn, te well lo menge latches! Hoi djal an tumaro shero glan? Sau koowa kran, un tumer patsenn, te well lo tumenge latches! ‘Na-a’, penell o baro Dewel, ko rai pral o bolepen un i phub.

4. Mose 6:25

O baro Dewel dikell latches ap tumende un krell peskro dji tumenge pre!

Mateo 9:2

Un jon anan i murshes pash leste. Kowa nashte nashell gar un his ap o tchiben tchiddo. Un har o Jesus kolengro patsepen dikas, penas lo ap ko mursheste: “Ma traash, miro tchawo! Me lau tiri doosh tutar.”

Mateo 9:22

Un o Jesus rissras pes trujel, dikas lat, un penas ap late: “Romnija ma traash! Tiro patsepen kras tut sasto.” Un ap kau tsiro was koi djuwel sasto.

Markus 10:24

Pral kal laba atchas o Jesuseskre malenge o rakepen krik. Koi penas o Jesus pale ap lende: “Mire tchawe, har pharo hi i menshenge, te wenn le ap o Debleskro drom!

1. Timoteo 1:2

Me tchinau kau liil ap tute, Timoteo. Tu hal mange har miro tchawo an o patsepen. Latchepen, kamlepen un bacht tuke! Kowa dell tut o Dewel, maro dad, un o Jesus Kristo, maro rai, an o dji!

Hebrearja 13:1

Mukenn gar tele, te kamenn i phralen un i phenjen o tselo djijestar!

Josua 7:19

Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”