1. Mose 43:11 - O Debleskro Drom 2021 (Sinte)

¹¹ Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

O Debleskro Lab 2024 (Sinte-Manouche)

¹¹ Oun o Israel, lengro dad, penas ap lende: “Te djal gar vavarčandes, krenn kova: Lenn o feteder dran maro them oun anenn les ko romeste: kouč roukengro djet oun gvin, khorya oun mandle.

1. Mose 43:11 ပူးပေါင်းရင်းမြစ်များ

1. Mose 33:10

“Na-a”, penas o Jakob. “Mangau tut: Te hal mange latcho, le mandar kowa, hoi me tut dau dran mire wasta. Me dikom an tiro mui, har te dikap an o Debleskro mui, jaake kamlo dikal ap mande.

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 43:10

Tchatchepah, te atchams gar jaake rah kate, wams kanna o duito kopo pale.”

1. Mose 43:14

Un o sorelo Dewel mu krell, te well o rom tumenge latcho, jaake kai mukell lo tumaro wawar phrales un o Benjamines tumentsa pale te djal. Me krau nai tchi. Nashrau mire tchawen, nashrau len!”

1. Mose 43:15

Kanna lan i mursha ko kutch koowa, hoi anenn le o romeske. Un lan ninna dui kope lowe un o Benjamines pentsa un kran pen ap o drom, te djan le an o them Egiptia. Un jon wan glan o Josefeste.

1. Mose 43:25

Un jon lan ko kutch koowa, hoi anan le peha, un tchiwan les jaake, te denn le les o Josefeste. Jon shunan, te well job ap o paash diwes un te chan jon leha.

1. Mose 43:26

Har o Josef khere was, anan le ko kutch koowa an o kheer. Un witsran pen glan leste ap i phub.

1. Rajengro liil 10:15

Koi pashel was kol lowe, hoi hunte plaissran leske i bikepangre un i parepangre, kai djan dren un win an o them, un kol lowe, hoi dan leste i tsele bare raja dran o them Arabia un wawar themeskre raja.

1. Rajengro liil 10:25

Un hakeno, kai was, anas kutch koowa pash leste, rupeno un sonakaskro koowa, ripja un karmangre, sungepaskro djet, graja un maultikre burike. Kowa his hako bersh jaake.

1. Rajengro liil 15:19

“Kre mantsa win, te ham mer mala, jaake har miro dad un tiro dad mala his. Dik, me bitchrau tuke kate rup un sonakai. Le kowa mandar an! Un phage, hoi win kral o rajeha pral Israel, o Baasha, te hunte djal lo mandar krik.”

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

2. Rajengro liil 20:12

O baro rai pral o them Babilonia, o Merodach-Baladan, koleskro dad o Baladan hi, shunas, kai o Hiskija nasselo his. Un job bitchras leske i liil un kutch koowa.

2. Rajengro liil 8:8

Koi penas o baro rai ap o Hasael: “Dja pash o Debleskro mursheste! Un le tchomone tuha, hoi deh les! Un mange lestar, te putchell lo mange o baro Deblestar, te djinap: Wau me pale sasto kau nasslepastar?”

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Debleskri gili 68:29

Bitche tiri soor, maro Dewel, tiri soor, hoi tu ap mende sikral!

Debleskri gili 72:10

I bare raja, kai djiwenn an o foro Tarsis un an i panjeskre themma, kolla anenn leske kutch koowa. Ninna i bare raja pral i forja Saba un Seba bitchrenn leske shukar koowa.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Gosewe laba 17:18

Narwelo hi kowa, kai dell peskro dadeskro wast un penell, te plaissrell lo i sijaan i wawareske.

Gosewe laba 18:16

I mensho, kai i wawaren shukar koowa dell, krell peske i wudja pre pash i pralstunende.

Gosewe laba 19:6

Bud makenn o braweleske gwin trul o mui, un hakeno hi o maal kolestar, kai dell tchomone tchitcheske.

Gosewe laba 21:14

Te hi jek chojedo ap tute, un tu deh les tchomone khatedo, kreh tu jaake, te djal leskri bari choli pale.

Kamlepaskri gili 4:10

Har shukar hi tiro kamlepen, hejo, miri pirni! Har bud kope shukeder hi tiro kamlepen har mool! Un tiro sungepaskro djet hi feteder har i tsele wawar latche djeta.

Kamlepaskri gili 8:14

Naash, miro pirno! Ab sik har i wesheskri busni un har i terno tserfo ap i berge, kai i burra tardo hi, hoi sungenna latcho.

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Ezekiel 27:15

I parepangre dran Rhodos wan pash tute. Un bud menshe, kai djiwan ap panjeskre themma paran tuha, un anan elefantikro dand un kutch kalo kasht, koleha plaissran le.

Ezekiel 27:17

I themma Juda un i Israel paran tuha un dan tut: latcho gib, hoi was dran o foro Minnit, ninna wawar jarro, gwin, djet un rukengro djet, hoi mishto sungell.

Ezekiel 27:22

I parepangre dran Saba un Ragma paran tuha un anan tuke kutch sungepaskro djet, kutch barra un sonakai.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

Bičepangre 21:14

Hako lab, hoi mer ap o Pauleste rakram, his tchitcheske. Koi penam mer: “Mu te well kowa jaake, har o Dewel kamella.”

5. Mose 33:14

O kham mukell leske latcho koowa bares te well, un latcho djob an o tchatcho tchon!

1. Samuel 25:27

Jaake mangau tut, miro rai, le kau koowa an, hoi me, tiri budepaskretsa, tuke anom, te well lauter kol murshende dureder dino, kai pash tute hi.

1. Samuel 9:7

O Saul penas ap peskro budepaskro: “Hoi das mer les, te djah pash ko mursheste? An mari possita hi buder kek maro, hoi nai dams les. Un men hi tchi, hoi nai anams ko Debleskro mursheske. Menge atchas tchi.”