1. Mose 42:9 - O Debleskro Drom 2021 (Sinte)

⁹ Un kowa, hoi job lendar suni das, was an leskro shero. Un job penas ap lende: “Tumer han phukepangre un kamenn te dikenn, har sorelo o them hi. Dran kowa han tumer kai.”

O Debleskro Lab 2024 (Sinte-Manouche)

⁹ Oun kova, hoy yob lendar souni das, vas an leskro shero. Oun yob penas ap lende: “T'mer han phoukepangre oun kamenn te dikenn, har zorelo o them hi. Dran kova han t'mer kay.”

1. Mose 42:9 ပူးပေါင်းရင်းမြစ်များ

1. Mose 37:11

Un leskre phrala dikan tchilatche jakentsa ap leste. Leskro dad rikras kol laba an peskro dji.

1. Mose 42:16

Bitchrenn jekes tumendar, te lell lo tumaro terneder phrales. Tumer wawar atchenn an o stilepen. Jaake dikau me, kai tumare laba tchatcho hi. Pash o djipen o baro rajestar! Te chochran man, djinau, kai han phukepangre.”

1. Mose 42:34

Un anenn tumaro terneder phrales pash mande! Ap kowa dikau, kai chochenn gar, un kai han kek phukepangre. Jaake dau tumen tumaro phrales pale. Un tumer nai parenn an kau them.’”

2. Samuel 10:3

penan kol pralstune pral kol Ammonarja ap pengro rajeste, o Hanun: “Patseh tu tchatchepah, kai bitchras o David murshen, te sharenn le tiro dades glan tire jaka, un te penenn le tuke kamle laba pral leste? Patseh tu gar, kai job doleske murshen pash tute bitchras, te dikell job pal, har sorelo maro foro hi, un hoi koi glan djala, te lell lo les dren un krell les paash?”

2. Mose 32:35

Un o baro Dewel das i Israelitarjen doleske, kai jon mangan ko terno gurum an, hoi o Aron kras.

4. Mose 13:2

“Bitche murshen, te hatsenn le win, har sorelo ko them Kanaan hi! Kau them kamau me i Israelitarjen te dell. Bitche jek murshes dran haki bari familja, hoi well kol deesh-te-dui Jakobeskre tchawendar! Bitche kolen, kai hi i pralstune pral pengre menshende!”

Louka 20:20

Jon lan o Jesuses an o jak. Un jon bitchran murshen, kai kran, har te wans le latcho. Un kolla putchan bud koowa lestar, te dikenn le, hoi job penals, jaake te nai taprenn le les an leskro rakepen, un te nai denn le les an i Remarjengre wasta.

Hebrearja 11:31

Ninna i lubni Rahab patsas ap o Debleste, un las kol murshen an lakro kheer dren, kolen o Mose bitchras, te dikenn le, har sorelo o foro Jericho hi. Jaake was i Rahab gar maredo khetne kol wawar menshentsa an ko foro, kai prindjran o Debles gar.

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 6:23

Kote djan kol dui mursha, kai pen an ko them trujel dikan, dren pash i Rahab un anan lat win, ninna lakro dades un lakri dai, lakre phralen un halauter, kai lake budrenn, un lakre tsele menshen, un dan len i platsa win glan koi platsa, kai i Israelengre plachtene khera tardo his.

Čačepangre 1:24

Un kolla dikan i murshes dran o foro win te well, un penan ap leste: “Sike men, har nai wah mer an o foro dren, palle krah mer tuke tchi.”

1. Samuel 26:4

bitchras lo murshen win, te hatsenn le budeder win. Un kolla wan pale un penan leske, te was o Saul tchatchepah an o mulo them.