1. Mose 42:28 - O Debleskro Drom 2021 (Sinte)

²⁸ Koi penas job ap peskre phralende: “Mire lowe hi an miro gono!” Koi lan jon traash. Un jon dikan pen darenes an un penan: “Hoske kras o Dewel kowa mentsa?”

O Debleskro Lab 2024 (Sinte-Manouche)

²⁸ Koy penas yob ap peskre phralende: “Mire love hi an miro gono!” Koy lan yon traash. Oun yon dikan pen darenes an oun penan: “Hoske kras o Devel kova mentsa?”

1. Mose 42:28 ပူးပေါင်းရင်းမြစ်များ

1. Mose 27:33

Koi was i bari daar ap o Isaakeste. Un job putchas: “Koon his kowa, kai das i viecho karje un anas mange o chapen, un me chom? Koi pal wal tu. Me rakrom o Debleskri bacht win pral koleste, kai anas mange o chapen. Un koi bacht atchell ap leste. Me nashte lau lat gar pale.”

1. Mose 42:29

Un jon wan an o them Kanaan pash pengro dadeste Jakob un penan leske halauter, hoi lenge djas un penan:

1. Mose 42:36

Un lengro dad, o Jakob, penas ap lende: “Tumer tchoran mire tchawen mandar: O Josef hi buder gar koi. Un o Simeon hi buder gar koi. Un o Benjamines kamenn tumer ninna mandar te lell. Kowa lauter well ap mande!”

1. Mose 43:23

“Hi mishto”, penas ko rom. “Ma darenn! Tumaro Dewel, kai ninna tumaro dadeskro Dewel hi, tchiwas kol lowe an tumare gone. Me lom tumare lowe, hoi dan man.” Un job anas o Simeones pash lende.

1. Rajengro liil 10:5

un ko chapen ap leskri chapaskri, un har kol pralstune ap leskri chapaskri beshdo his, un har leskre budepangre o chapen un o pipen anan, un har jon an-ride his, un kol vieche, hoi job mukas te marell un chatchrell an o kheer o baro Deblestar. Un lake atchas o rakepen krik,

Debleskri gili 61:2

Shun, miro Dewel! Shun miri gole! Shun, har me tut mangau!

Kamlepaskri gili 5:6

Me krom o wudar miro pirneske pre, koi hi lo buder gar koi – djas peske dureder. Miro dji kamas tardo te atchell, har djas job peske. Me rodom les, un hatsom les gar. Me kharom les, un shunom kek rakepen lestar.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Ropaskre gilja 2:17

O baro Dewel kras, hoi lo peske glan las. Un kras kowa, har lo menge glan i rah tsiro trad das. Les khaital tu gar, har mukas lo tut khetne te dell, un kolen, kai ap tute djan, i sorleder te well. Har tu peral, nai san le.

Ropaskre gilja 3:37

Koon hi kowa, kai penas ‘Kowa te well’ un jaake was. Hi kowa gar o Dewel, kai penell, te well tchomone?

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Louka 21:26

I tsele menshe ap i phub hi paash-mulo i trashatar pral kowa, hoi lauter ap lende wella. I bolepaskri soor perell khetne.

5. Mose 28:65

Mank kol menshende hatsenn kek platsa, kai khere han un atchenn nashte. Un o baro Dewel dell tumen kote i dji, hoi o tselo tsiro darell. An tumare jaka hi kek djipen buder. Un tumer kamenn buder gar te djiwell.