1. Mose 42:19 - O Debleskro Drom 2021 (Sinte)

¹⁹ Te penenn tumer o tchatchepen, palle mukenn jek tumendar kate an o stilepen. Tumer wawar djan khere un lenn tumenge doha djob khere tumare menshenge un viechenge!

O Debleskro Lab 2024 (Sinte-Manouche)

¹⁹ Te penenn t'mer o čačepen, palle moukenn yek t'mendar kate an o stilepen. T'mer vavar djan khere oun lenn t'menge doha djob khere t'mare menshenge oun firhenge!

1. Mose 42:19 ပူးပေါင်းရင်းမြစ်များ

1. Mose 40:3

un tchiwas len stildo an ko kheer o pralstunestar i lurdendar. An ko stilepen his ninna o Josef.

1. Mose 41:56

Un i bok was bareder. An o tselo them his i menshen gar doha te chal. Koi kras o Josef i wudja pre an kol tsele khera, kai djob dren hi. Un bikras o djob ap i Egiptarja.

1. Mose 42:11

Mer halauter ham i tchawe jek romestar. Mer djah i tchatcho drom. Mer ham kek phukepangre, kai kamenn te dikell, har sorelo tumaro them hi.”

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

1. Mose 42:20

Anenn tumaro terneder phrales pash mande! Koi pre dikau me, kai tumare laba tchatcho hi. Un tumer merenna gar.” Un jon penan: “Mishto, kowa krah mer.”

1. Mose 42:26

Un o Jakobeskre tchawe tchiwan ko djob ap pengre burike un djan penge.

1. Mose 42:33

Un ko rom, kai hi o rai pral o them Egiptia, penas ap mende: ‘Ap kowa dikau, kai tumer o tchatchepen penenna: Jek tumare phralendar mukenn pash mande. Un tumer wawar lenn doha chapen tumare familjenge un djan tumenge.

1. Mose 45:23

Un peskro dadeske bitchras job deesh burike, – kolla hidjran o feteder dran o them Egiptia; un deesh wawar burike. Kolla hidjran djob un maro un chapaske leskro dadeske ap o drom.

Jesaja 42:22

Hoi was dran leskre menshende? Lengro them hi wi-tchoredo un wi-randedo. Jon halauter hi tapedo, un pandlo an o stilepen. Randedo hi le, un kek hi koi, kai lell len win dran o pandepen. Tchoredo hi le, un kek hi koi, kai penell: De pale kai!

Jesaja 42:7

Tu kress i korelenge i jaka pre, un less i pandlen win dran o stilepen, kai hi le beshdo an i kali rat.

Jeremia 37:15

I pralstune wan chojedo ap o Jeremia, un mukan les dawa te dell, un witsran les an o stilepen an o kheer o murshestar Jonatan. Kowa his i mursh, kai haiwas lila te tchinell; dran koleskro kheer kran le i stilepen.