1. Mose 42:15 - O Debleskro Drom 2021 (Sinte)

¹⁵ Ap kowa kamau te dikell, kai penenn tumer o tchatchepen: Te well tumaro terneder phraal kate! Pash o djipen o baro rajestar dau man sowel: Te well lo gar, wenn tumer gar buder krik.

O Debleskro Lab 2024 (Sinte-Manouche)

¹⁵ Ap kova kamau te dikell, kay penenn t'mer o čačepen: Te vell t'maro terneder phraal kate! Pash o djipen o baro rayestar dau man sovel: Te vell lo gar, venn t'mer gar bouder krik.

1. Mose 42:15 ပူးပေါင်းရင်းမြစ်များ

1. Mose 42:12

“Na-a”, penas o Josef. “Tumer wan te dikenn, har sorelo maro them hi.”

1. Mose 42:14

Penas o Josef ap lende: “Kowa hi jaake, har me penom: Tumer han phukepangre.

1. Mose 42:16

Bitchrenn jekes tumendar, te lell lo tumaro terneder phrales. Tumer wawar atchenn an o stilepen. Jaake dikau me, kai tumare laba tchatcho hi. Pash o djipen o baro rajestar! Te chochran man, djinau, kai han phukepangre.”

1. Mose 42:20

Anenn tumaro terneder phrales pash mande! Koi pre dikau me, kai tumare laba tchatcho hi. Un tumer merenna gar.” Un jon penan: “Mishto, kowa krah mer.”

1. Mose 42:30

“Ko rom, kai hi o rai pral o them Egiptia, rakras soreles mentsa un kras, har te wams phukepangre, kai kamenn te dikenn, har sorelo leskro them hi.

1. Mose 42:34

Un anenn tumaro terneder phrales pash mande! Ap kowa dikau, kai chochenn gar, un kai han kek phukepangre. Jaake dau tumen tumaro phrales pale. Un tumer nai parenn an kau them.’”

1. Mose 42:7

O Josef dikas peskre phralen un prindjras len. Un job kras, har te prindjrell lo len gar, un rakras soreles ap lende un penas: “Kai wenn tumer?” Penan jon: “Dran o them Kanaan, te ginas djob.”

1. Mose 43:3

Koi penas o Juda ap leste: “Ko rom penas soreles ap mende: ‘Te hi tumaro phraal gar pash tumende, dikenn tumer man buder gar.’

1. Mose 43:5

Te bitchreh les gar mentsa, djah mer gar. O rom penas ap mende: ‘Tumer dikenn man gar pale, te hi tumaro phraal gar pash tumende.’”

Jeremia 5:2

Ninna te denn jon pen sowel pash o djido Debleste, hi kowa chochepen.

Jeremia 5:7

Hoske bistrap i doosh mire menshendar? Jon djan mandar krik, un denn pen sowel pash koleste, kai kek dewel hi. Har me len tchalo krom, phagan le mantsa, un djan an i lubjengro kheer.

5. Mose 6:13

Tu mangess o baro Debles an, un rikress les glan tire jaka pash halauter, hoi kreh. Te deh tut sowel, dess tiri sowel pash leskro lab.

Jakobo 5:12

Mire phrala, ma denn tumen sowel, gar ap o bolepen, witar gar ap i phub un witar gar ap wawar koowa. Te penenn tumer: “Awa,” jaake hunte well kowa ninna awa. Un te penenn tumer: “Na-a,” jaake hunte well kowa ninna na-a, te lenn kek phagi o Deblestar.

1. Samuel 1:26

Un joi penas ap o Eli: “Ach, miro rai, jaake har tchatcho hi, kai tu djiweh: Me hom koi djuwel, kai kate tardo his un o baro Deblestar mangas.

1. Samuel 17:55

O Saul dikas, har djas o David an o kurepen ko Filistareha, un putchas peskro pralstuno lurdestar, o Abner: “Koneskro tchawo hi kowa?” Un o Abner penas: “Tchatchepah, miro rai, me djinau gar!”

1. Samuel 20:3

O David penas: “Tiro dad haiwas, te hom tiro maal. Doleske penas lo peske: ‘O Jonatan hunte djinell kowa gar, te dukrell kowa les gar.’” Un o David penas dureder: “Me dau man sowel glan o djido Debleste un glan tute: Mashkral mande un o merepen hi gar budeder har jek herjakro stakepen!”