1. Mose 42:11 - O Debleskro Drom 2021 (Sinte)

¹¹ Mer halauter ham i tchawe jek romestar. Mer djah i tchatcho drom. Mer ham kek phukepangre, kai kamenn te dikell, har sorelo tumaro them hi.”

O Debleskro Lab 2024 (Sinte-Manouche)

¹¹ Mer halauter ham i čave yek romestar. Mer djah i čačo drom. Mer ham kek phoukepangre, kay kamenn te dikell, har zorelo t'maro them hi.”

1. Mose 42:11 ပူးပေါင်းရင်းမြစ်များ

1. Mose 42:12

“Na-a”, penas o Josef. “Tumer wan te dikenn, har sorelo maro them hi.”

1. Mose 42:16

Bitchrenn jekes tumendar, te lell lo tumaro terneder phrales. Tumer wawar atchenn an o stilepen. Jaake dikau me, kai tumare laba tchatcho hi. Pash o djipen o baro rajestar! Te chochran man, djinau, kai han phukepangre.”

1. Mose 42:19

Te penenn tumer o tchatchepen, palle mukenn jek tumendar kate an o stilepen. Tumer wawar djan khere un lenn tumenge doha djob khere tumare menshenge un viechenge!

1. Mose 42:31

Un mer penam ap leste: Mer djah i tchatcho drom. Mer ham kek phukepangre.

1. Mose 43:7

Penan jon: “Ko rom putchas men win pral mende un pral mari familja. Job putchas: ‘Djiwell tumaro dad? Hi tumen i wawar phraal?’ Jaake penam, hoi job kamas te djinell. Djinam gar, kai job penell: ‘Anenn tumaro phrales kai!’”

Johanni 7:18

Koon pral peste mishto rakrella, kowa kamella, te well job sharedo. Koon kamella, te well kowa sharedo, kai bitchras les, kowa hi tchatcho. Un an leste hi kek tchilatchepen.

2. Korintarja 6:4

Mer kamah, te dikenn le hako tsiro ap mende, kai ham o Debleskre budepangre. Doleske dah gar pre, ninna te well bud pharo koowa ap mende. Ninna te hi men gar doha djipaske, te well i daar ap mende, rikrah win.