1. Mose 41:57 - O Debleskro Drom 2021 (Sinte)

⁵⁷ Ninna dran i tsele wawar themma wan i menshe pash o Josefeste an o them Egiptia, te ginenn le djob. Jaake baro his i bok an i tsele themma.

O Debleskro Lab 2024 (Sinte-Manouche)

⁵⁷ Ninna dran i tsele vavar themma van i menshe pash o Yosefeste an o them Egiptia, te ginenn le djob. Yaake baro his i bok an i tsele themma.

1. Mose 41:57 ပူးပေါင်းရင်းမြစ်များ

1. Mose 12:10

Koi was i tsiro an ko them, kai his i menshen un i viechen tchi te chal. Len his bari bok. Dran kowa djas o Abram dureder, te djiwell lo an o them Egiptia.

1. Mose 41:54

Un palle wan kol bersha, kai bokenn le, jaake har o Josef penas. Un an i tsele themma bokan le. Kokres an o them Egiptia his doha chapaske.

1. Mose 41:56

Un i bok was bareder. An o tselo them his i menshen gar doha te chal. Koi kras o Josef i wudja pre an kol tsele khera, kai djob dren hi. Un bikras o djob ap i Egiptarja.

1. Mose 42:1

Har o Jakob shunas, kai hi djob an o them Egiptia, penas job ap peskre tchawende: “Hoske krenn tumer tchi?

1. Mose 42:5

Un har i bok baro was an o them Kanaan, djan ninna wawar an o them Egiptia, te ginenn le djob. Lentsa khetne wan o Jakobeskre tchawe an o them Egiptia.

1. Mose 42:6

Un o Josef his o rai pral o them Egiptia un bikras djob ap kol menshende an ko them. Har leskre phrala wan, witsran pen le tele glan leste o mujeha ap i phub.

1. Mose 43:1

Un i bok his baro an o them.

1. Mose 47:14

Un o Josef anas i tsele lowe khetne, kai i menshe an o them Egiptia un an o them Kanaan plaissran o chapaske. Un anas kol lowe an o baro rajeskro kheer.

1. Mose 50:20

Tumer kaman te krenn mange tchilatchepen. O Dewel las peske glan, te krell lo lauter mishto, jaake har hi kau diwes: Bud menshe atchan djido.

5. Mose 9:28

Muk i Egiptarjen gar te penell: ‘O baro Dewel nai anell len gar an ko them, kolestar job penas, te dell lo les lenge.’ Muk len gar te penell, te anal len win an o mulo tato them dran tiri choli, te merenn le kote.