1. Mose 41:42 - O Debleskro Drom 2021 (Sinte)

⁴² Un o baro rai las peskri gustri peskro wastestar un tchiwas les ap o Josefeskro wast. Un das les ripja dran shukar laintikro than. Ninna tchiwas lo i sonakaskri werkli trul leskri meen.

O Debleskro Lab 2024 (Sinte-Manouche)

⁴² Oun o baro ray las peskri goustri peskro vastestar oun čivas les ap o Yosefeskro vast. Oun das les ripya dran shoukar layntikro than. Ninna čivas lo i sonakaskri verkli troul leskri meen.

1. Mose 41:42 ပူးပေါင်းရင်းမြစ်များ

1. Mose 38:18

“Hoi dap tut?” putchas job. Koi penas joi: “Tiri gustri tiro labeha, un koi dori, kai i gustri pandlo hi, ninna tiro kasht, hoi an tiro wast hi.” Un job das kowa late un djas lah khetne. Un joi was lestar an wawar koowa.

1. Mose 41:43

Un mukas les te ulerell ap o duito wurdin. Glan leste dan le win gole: “Witsrenn tumen tele glan leste!” Jaake das o baro rai o tselo them Egiptia an o Josefeskre wasta.

Ester 10:3

jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Ester 3:10

O baro rai las peskri gustri o gushto tele. Un das koi gustri an o Hamaneskro wast, kai kamas i bibolden te marell. Koleskro dad his o Hammedata kol menshendar Agag.

Ester 3:12

Ap o 13. (deesh-te-triinto) diwes an o ersto tchon wan kol mursha kharedo, kai o baro rajeskre lila tchinenn. Un kolla tchinan, hoi o Haman lenge penas, an lila ap i pralstunende ko themestar, ap i themeskre rajende un i pralstunende pral hako them. Hako liil his jaake tchinlo, har an ko them tchinlo was, un an ko rakepen, har kote rakedo was. An o lab o baro rajestar Ahasveros wan kol lila tchinlo. Un leskri gustjah was leskro sikepen tel hako liil tchiddo.

Ester 8:10

Un i lila wan tchinlo an o baro rajeskro lab, un leskro sikepen was pre-tchiddo. Un klissepangre ap sik graja anan len kote, kai le bitchedo wan.

Ester 8:15

Un o Mordekai djas win o baro rajestar, rido an rajeskre koola. Kolla his blaueto un parno. Un ap leskro shero his shereskro sonakai. Leskri baja his dran laintikro than un lolo bakrengro bal. Un i menshe an o foro Susa stan un dan gole i bachtjatar.

Ester 8:2

Un las peskri gustri, hoi job o Hamanestar krik las, un das lat o Mordekai. Un i Ester tchiwas o Mordekajes pral o Hamaneskro tselo kheer.

Ester 8:8

Kanna tchinenn tumer i wawar liil, hoi te well i biboldenge, jaake har mishto hi an tumare jaka! Tchinenn ko liil an miro lab un tchiwenn miri gustjah miro sikepen koi pre! I liil, hoi an o lab o baro rajestar tchinlo was un ap koleste leskro sikepen hi, nai well gar pale lino.”

Debleskri gili 73:6

Doleske hi le pre-phurdo, Lengro sharepen hi har i werkli trul i meen. Un lengro tchilatcho koowa hi lengro ripen.

Gosewe laba 1:9

Kowa hi tuke har i shukar stadi ap tiro shero, har i werkli trul tiri meen.

Gosewe laba 31:22

Plachte krell li peske, rido hi li an latcho laintikro than un lolo bakrengro bal.

Gosewe laba 31:24

Kutch gada krell li un bikrell len, un i parepangre lenn latar kol pereskre dorja, hoi jon bikrenn.

Kamlepaskri gili 1:10

Tire tchamja hi shukar mank i kanengre, un tiri meen hi shukar an werklia dran mirklia.

Kamlepaskri gili 4:9

Tu tchoral mange miro dji, hejo, miri pirni. Tu tchoral mange miro dji tire jakentsa, har dikal ap mande, un jek werkliah, hoi trul tiri meen pandlo hi.

Jesaja 3:23

lengre blendarja un lengre gada, lengre stadja un lengre shereskre bare dikle.

Jeremia 52:33

Un o Jojachin tchiwas kol ripja pestar krik, hoi les an o stilepen ap leste his, un chas peskro tselo djipen pash o baro rajeste ap leskri chapaskri.

Ezekiel 27:7

Koi plachta, kai o ducho dren phurdell, his dran kutch laintikro than, hoi dran o them Egiptia well. An koleste was shukar koowa dren sido. Kowa his tiro sikepen, hoi fun dural diklo well. Te chatchrell tut gar o kham, was i plachta pre pandlo, hoi his kerdo dran kutch than, hoi blaueto un lolo his, un dran o foro Elisha was.

Daniel 5:16

Tutar shunom, te nai peneh tu, hoi kowa kamell te penell, un te nai tchakreh tu pre, hoi kek djinell. Haiweh tu kanna kol laba te drawerell, hoi kote tchinlo hi un nai peneh mange, hoi kolla kamenn te penell, palle weh tu rido an rajengre lole koola, un leh koi pashel i sonakaskri werkli trul tiri meen. Un tu weh o triinto pralstuno an miro them.”

Daniel 5:29

Har o Daniel kol laba rakras, penas o Belsazar, te riwenn le les an lole rajengre koola, un tchiwenn leske i sonakaskri werkli trul leskri meen. Un job hadas les, te well lo o triinto pralstuno an o rajeskro them.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”

Louka 15:22

Koi penas o dad ap peskre budepangre: Anenn sik o feteder ripen, un riwenn kowa leske an! Denn les i gustri un denn les kircha!

1. Samuel 18:4

un riwas peskri baja win un das lat o Davideste, ninna peskre kurepaskre koola, peskro charo, peskro bogo un peskri pereskri dori.