1. Mose 41:41 - O Debleskro Drom 2021 (Sinte)

⁴¹ Un o baro rai penas dureder ap o Josefeste: “Me dau o tselo them Egiptia an tire wasta.”

O Debleskro Lab 2024 (Sinte-Manouche)

⁴¹ Oun o baro ray penas doureder ap o Yosefeste: “Me dau o tselo them Egiptia an tire vasta.”

1. Mose 41:41 ပူးပေါင်းရင်းမြစ်များ

1. Mose 39:22

Un o pralstuno pral o stilepen das i tsele stilden an o Josefeskro wast. Un les his penepaske pral i tseli budi.

1. Mose 39:5

Ap ko tsiro, har o Egiptari Potifar das peskro kheer un halauter, hoi leskro his, an o Josefeskre wasta, tchiwas o baro Dewel peskri soor un peskri bacht ap i menshende an o Potifareskro kheer. Jaake rah har o Josef koi his, his o baro Debleskri soor un peskri bacht ap halauter, hoi les his an o kheer un ap o them.

1. Mose 41:44

Un o baro rai penas ap o Josefeste: “Ninna te hom me o baro rai pral o them Egiptia, nai hadell kek mensho an o tselo them Egiptia peskro wast un peskre pire pre, te kameh tu kowa gar.”

1. Mose 42:6

Un o Josef his o rai pral o them Egiptia un bikras djob ap kol menshende an ko them. Har leskre phrala wan, witsran pen le tele glan leste o mujeha ap i phub.

1. Mose 45:8

Jaake han gar tumer, kai anan man kate. O Dewel anas man kai. Un job kras man dad pral o baro rajeste an o them Egiptia un rai pral koleskro tselo kheer un pral o tselo them Egiptia.

Ester 10:3

jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Debleskri gili 105:21

Un kras, te was o Josef o pralstuno pral leskro kheer, un tchiwas lauter, hoi les his, an leskre wasta.

Gosewe laba 17:2

I budepaskro, kai djinell, hoi te krell, kowa well o rai pral o tchaweste ko kherestar, kai ladj ap peste anas. Ko budepaskro lell palle ninna kolestar, hoi i tchawe lenna pral pengro dadeskro merepen.

Gosewe laba 22:29

Dikeh i mursh, kai peskri budi haiwella, palle djiness, kowa nai budrell bare rajenge. Sawenge, kai gar an-diklo hi, budrell lo gar.

Sikepaskro 4:14

Kowa hi tchatcho, ninna te his ko terno mursh i pandlo budepaskro un was win ginlo, te well lo baro rai, ninna te was lo boldo an i tchorweli familja an ko them, pral leste job o rai well.

Daniel 2:48

Un o baro rai kras o Danieles baro, un das les bud kutch koowa. Un job tchiwas les pral o tselo them Babilonia, un das les penepaske koi pral un kras, te well lo o pralstuno pral i tsele sikle murshende an o them Babilonia.

Daniel 6:3

Un pral kolende tchiwas lo triin rajen. Jek kolendar his o Daniel. Kolenge hunte penenn i pralstune, kitse lowe jon an pengro them dre-lan un wi-dan, un hoi le lauter kran, jaake te hunte dikas gar o baro rai ap sawo koowa.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.