1. Mose 40:20 - O Debleskro Drom 2021 (Sinte)

²⁰ Ap o triinto diwes his o diwes, kai was o baro rai i bersh phureder. Un job kras i baro chapen kol tsele pralstunenge, kai leske budran, un mukas kol dujen, ko pralstunes pral o pipen un o pralstunes pral o maro, dran o stilepen win.

O Debleskro Lab 2024 (Sinte-Manouche)

²⁰ Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

1. Mose 40:20 ပူးပေါင်းရင်းမြစ်များ

1. Mose 21:8

Un ko tchawo was bareder un pijas buder gar ap i betch. Ap ko diwes, har job buder gar ap i betch pijas, kras o Abraham i baro chapen.

1. Mose 40:13

An triin diwessa mukell tut o baro rai dran o stilepen win un dell tut pale tiri budi. Un tu deh o baro rajeste pale te pijell, jaake har tu kral, har tu o pralstuno pral leskro pipen hals.”

1. Mose 40:19

An triin diwessa mukell tut o baro rai dran o stilepen win un bladell tut ap i kasht. Un i tchirkle chan tiro mass tutar krik.”

1. Rajengro liil 3:15

Un har o Salomo pre djangras, haiwas lo, kai job i suni das. Un job was an o foro Jerusalem, un atchas glan o mochton tardo, kai o Debleskre deesh laba dren his. Un job mukas viechen te marell. Bud lendar wan tseles chatchedo o Debleske. Un wawarendar chatchran le o thulepen un kotja mass, te parkrenn le pen pash o Debleste. Ko wawar mass chan le khetne. Un o Salomo kras i baro chapen un mukas i tsele pralstunen, kai leske budran, te well.

2. Rajengro liil 25:27

Har o Ewil-Merodach o baro rai pral Babilonia was, mukas lo gomme an kau bersh o Jojachin, ko rajes pral o them Juda dran o stilepen te lell. Kowa his an o 37. (trijanda-te-eftato) bersh, har o Jojachin krik anlo was, ap o 27. (biish-te-eftato) diwes an o deesh-te-duito tchon.

Ester 1:3

Har job o triinto bersh o baro rai his, kras job i baro festo i tsele pralstunenge un barenge: kolenge, kai his pralstune pral kol bud lurdende an i themma Persia un Media, ninna kol brawelenge un themeskre rajenge dran peskre tsele themma.

Hiob 3:1

Pal kowa kras o Hiob peskro mui pre, un praassas ko diwes, kai lo boldo was.

Debleskri gili 105:19

bis te was ko tsiro, kai ko lab tchatcho was, hoi o Josef o baro Deblestar las un glan-wi penas.

Jeremia 52:31

Har o Ewil-Merodach o baro rai pral Babilonia was, mukas lo gomme an kau bersh o Jojachin, ko rajes pral o them Juda dran o stilepen te lell. Kowa his an o 37. (trijanda-te-eftato) bersh, har o Jojachin krik anlo was, ap o 25. (biish-te-pantchto) diwes an o deesh-te-duito tchon.

Mateo 14:6

Koi was ko diwes, kai was o Herodes i bersh phureder. Un job mukas i baro chapen te krell. Un i Herodiakri tchai was, un khelas glan leste un glan kolende, kai pash leste hi. Un lakro khelepen his jaake shukar an leskre jaka,

Mateo 25:19

Un pal i rah tsiro was lengro rai pale un mukas peskre budepangren glan leste te anell, te lell lo lendar kol lowe, hoi jon leske khetne anan.

Markus 6:21

Koi was i diwes, kai hi mishto i Herodiake. O Herodes was i bersh phureder un mukas i baro chapen te krell. Pash ko chapen wan i pralstune pral peskro them, ninna i pralstune lurde. Un i brawele dran o them Galilea his ninna koi.