1. Mose 4:5 - O Debleskro Drom 2021 (Sinte)

⁵ Ap o Kain dikas job gar latches, witar gar ap kowa, hoi job chatchras o Debleske. Koi las o Kain i bari choli un dikas chojedo tele ap i phub.

O Debleskro Lab 2024 (Sinte-Manouche)

⁵ Ap o Kayn dikas yob gar lačes, vitar gar ap kova, hoy yob rhačras o Debleske. Koy las o Kayn i bari rholi oun dikas rhoyedo tele ap i phoub.

1. Mose 4:5 ပူးပေါင်းရင်းမြစ်များ

1. Mose 31:2

Un o Jakob haiwas, kai o Laban buder gar latcho ap leste his, har glan kau tsiro.

1. Mose 31:5

Un job penas ap lende: “Haiwom, kai tumaro dad dikell buder gar latcho ap mande har glan kau tsiro. Miro dadeskro Dewel his mantsa.

1. Mose 39:19

Har o Potifar kol laba peskri romjatar shunas, har joi penas ‘jaake kras tiro budepaskro mantsa’, was job an i bari choli.

Hiob 15:13

Ap o Debleste hal chojedo. Doleske well sawo rakepen dran tiro mui.

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Debleskri gili 20:3

Mu well lo dran leskro kheer ap tiri rig! Un dran o foro Zion bitchrell lo tuke soor!

Gosewe laba 19:3

O mensheskro dinlepen anell les ap i drom, kai nashrell lo pes. Un palle dell lo o baro Debleste i doosh.

Gosewe laba 29:10

I marepangre hi chojedo pral koleste, kai kek doosh ap peste anas. Kolla, kai an o tchatchepen tardo hi, denn jak ap koleskro djipen.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

4. Mose 16:15

Koi was o Mose chojedo, un penas ap o baro Debleste: “Ma dik latches ap kowa, hoi jon tut denna! Me lom gar i burika lendar, un krom len kek tchilatchepen.”

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Bičepangre 13:45

Har i bibolde kol bud menshen dikan, silweran le ap kol dujende. Jon tchingran ap o Pauleste, un rakran i djungele laba pral leste.

Hebrearja 11:4

An o phuro tsiro patsas o Abel ap o Debleste, un maras leske i viecho. Har dikas o Dewel, hoi o Abel leske anas, dikas lo latches ap kowa. Jaake was o Abel an o tchatchepen tardo glan leste. Kowa, hoi leskro phraal, o Kain, o Debleske anas, kowa his gar jaake latcho glan o Debleskre jaka har kowa, hoi o Abel leske anas. Ninna te meras o Abel, sikrell men leskro djipen gomme kau diwes leskro patsepen.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”