1. Mose 4:2 - O Debleskro Drom 2021 (Sinte)

² Un pal kowa anas joi i duito tchawes ap i phub. Koles das li o lab Abel. O Abel was i bakrengro. O Kain was i hacho un budras ap i hachetikri phub.

O Debleskro Lab 2024 (Sinte-Manouche)

² Oun pal kova anas yoy i douyto čaves ap i phoub. Koles das li o lab Abel. O Abel vas i bakrengro. O Kayn vas i harho oun boudras ap i harhetikri phoub.

1. Mose 4:2 ပူးပေါင်းရင်းမြစ်များ

1. Mose 3:23

Un o baro Dewel, maro rai, bitchras les win dran i baar ‘Eden’, te budrell job ap i hachetikri phub. Dran i tchik i phubjatar was o mensho kerdo. Un kanna hunte budrell job koi pre.

1. Mose 37:13

Un o Israel penas ap o Josefeste: “Tire phrala denn garda ap i bakrende pash o foro Sichem. Kamau te bitchrap tut pash lende.” “Mishto”, penas o Josef, “me krau, hoi peneh.”

1. Mose 4:1

O Adam was khetne peskri romjah Eva. Un joi was an wawar koowa un anas i tchawes ap i phub un das les o lab Kain. Un joi penas: “Me lom i mursh tchawo. O baro Dewel das les mande.”

1. Mose 4:3

Pal i tsiro las o Kain kolestar, hoi ap leskri phub baro was un chatchras les o baro Debleske.

1. Mose 47:3

Un o baro rai putchas lendar: “Hoi krenn tumer?” Un jon penan ap leste: “Miro rai, mer ham bakrengre jaake har mare phure.”

1. Mose 9:20

Un o Noah his i hacho un tchiwas drakengre ruka an i phub.

Debleskri gili 127:3

Tumare tchawen das o baro Dewel tumende. Hi i kutch koowa, te nai lell jek tchawe.

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

Amos 7:15

O baro Dewel las man mire bakrendar krik un penas ap mande: ‘Dja koi, un pen mire menshenge Israel, hoi lenge penau!’

Louka 11:50

Doleske well i tseli bibacht ap kal menshende, kai kanna djiwenna. Jon un lengre phure maran i Debleskre rakepangren, jaake rah har i phub tardo hi.

Louka 11:51

O Abel was maredo glan i tsele wawar menshende. Pal leste maran le wawar menshen pale te pale. Pal lauterende wawarende was o Zachari maredo. Kowa was maredo pash i sasterni chatchepaskri an o Debleskro baro kheer. Tchatchepah, me penau tumenge: I tseli bibacht well ap kal menshende, kai kanna djiwenna.

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:12

Mer hunte was gar har o Kain. Kowa his o bengestar un maras peskro phrales. Hoske maras lo les? Leskro phraal kras, hoi latcho his. Un o Kain kras, hoi tchilatcho his. Doleske maras o Kain peskro phrales.

1. Johanni 3:15

Djinenn, hakeno, kai krell peskro phraleske tchilatchepen, kowa hi har jek, kai marell peskro phrales. Un kowa, kai marell peskro phrales, koles hi gar ko djipen an leste, hoi gar pre-herella.