Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1. Mose 4:16 - O Debleskro Drom 2021 (Sinte)

16 Un o Kain djas peske o baro Deblestar. Un djas an ko them Nod wergel i baar Eden, ap koi rig, kai o kham pre djala.

အခန်းကိုကြည့်ပါ။ ကော်ပီ

O Debleskro Lab 2024 (Sinte-Manouche)

16 Oun o Kayn djas peske o baro Deblestar. Oun djas an ko them Nod vergel i baar Eden, ap koy rig, kay o kham pre djala.

အခန်းကိုကြည့်ပါ။ ကော်ပီ




1. Mose 4:16
19 ပူးပေါင်းရင်းမြစ်များ  

I rati, har buder gar tato his, shunan jon, kai djas o baro Dewel, maro rai, trujel an i baar. O rom un peskri romni khatran pen o Deblestar, maro rajestar, mashkral kol ruka an i baar.


Tu tradeh man kau diwes win dran o them! Me hunte khatrap man glan tute. Man wella kek them, kai khere hom. Me hunte dap man trujel. Hakeno, koon hatsell man, nai dell man mulo.”


Un o Kain was khetne peskri romjah. Kaja was an wawar koowa un anas o Henoch ap i phub. Un o Kain kras i foro, un das ko fores ko lab peskro tchawestar Henoch.


Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.


Kowa halauter kras o baro Debles jaake chojedo pral o foro Jerusalem un o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.


Kote penas o baro Dewel ap o beng: “Mishto! Halauter, hoi les hi, dau an tiro wast. Les kokres ma tape an!” Pal kowa djas o beng krik o baro Deblestar.


Kote djas o beng win o baro Deblestar, un das o Hiobes i djungelo nasslepen ap peskro mass, hoi chandjras un dukas leske fun o shero bis tele pash i pire.


Job dikell buder tchi o brawlepastar an kau them, ko bud gwin un thud, hoi har lengste panja nashenn.


Tchip lengri doosh ap lengre shere, mo Dewel! Muk len te perell an pengre netse, hoi jon i wawarenge kran! Trade len tutar krik! Bud kope kran le o tchilatchepen. Pral tute hadan le pen.


O Dewel stell pre, un tradell kolen krik, kai kamenn les gar; awa, kolla, kai hi chojedo ap leste, hunte nashenn lestar.


Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.


palle djinenn, me hadau tumen pre har i pharo koowa, un witsrau tumen krik mandar, tumen un tumaro foro, hoi dom tumende un tumare phurende.


Kowa halauter kras o baro Debles jaake chojedo pral i menshende an o foro Jerusalem un an o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.


Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.


Un kote, kai dui, triin menshe khetne wenna an miro lab, kote hom me mashkral lende.


Koi penenn tumer: Mer cham un pijam tuha. Un tu penal menge o Debleskro lab ap i dromma an mare forja.


Kowa, kai hi o Lab, his ap i phub, un i phub was leha kerdo. Un i menshe ap i phub prindjran les gar.


Khetne leha kras o Dewel o bolepen un i phub. Tchi hi koi, hoi gar leha kerdo was.


Jon hi kolla, kai penenn i wawarenge, har lan tumer men pash tumende pre, har mukan tumaro phuro drom, te djan ap o Debleskro drom, un mangenn buder gar wawar koowa an har o djido un tchatcho Debles kokres.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ