1. Mose 4:14 - O Debleskro Drom 2021 (Sinte)

¹⁴ Tu tradeh man kau diwes win dran o them! Me hunte khatrap man glan tute. Man wella kek them, kai khere hom. Me hunte dap man trujel. Hakeno, koon hatsell man, nai dell man mulo.”

O Debleskro Lab 2024 (Sinte-Manouche)

¹⁴ Tou tradeh man kava dives vin dran o them! Me hounte khatrap man glan toute. Man vella kek them, kay khere hom. Me hounte dap man trouyel. Hakeno, koon hatsell man, nay dell man moulo.”

1. Mose 4:14 ပူးပေါင်းရင်းမြစ်များ

1. Mose 3:24

Un o Dewel tradas len win. Glan i baar ‘Eden’, ap koi rig, kai o kham pre djal, tchiwas o Dewel bolepangre i chareha, hoi chatchella un djal jek rigjatar ap i wawar, te denn le garda, te djal kek pash ko ruk, hoi della o djipen.

1. Mose 4:13

Koi penas o Kain ap o baro Debleste: “Miri phagi hi jaake baro, kai rikrau lat nai gar win.

2. Samuel 14:7

Un kanna stan mire tsele menshe pre un kamenn, te dap len koles, kai das peskro phrales mulo, te lenn le leskro djipen ko djipaske leskro phralestar, koles job mulo das. Palle hi man buder kek tchawo, kai pal miro merepen lauter lella. Un kowa, kai mange pral atchas, hi ninna krik. Un o lab miro romestar well bistedo.”

Debleskri gili 109:10

Kre, te wenn leskre tchawe win tradedo dran pengro kheer, hoi paash dino was, un hunte nashenn trujel, un mangenn penge maro.

Debleskri gili 109:12

Kek te krell leske latchepen, un kek krell peskro dji pre leskre tchawenge.

Debleskri gili 143:7

Baro Dewel, shun man sik! Man hi buder kek soor. Ma khate tut mandar, te wap gar har kolla, kai hunte merenn.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Jesaja 8:22

un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Jeremia 52:3

Kowa halauter kras o baro Debles jaake chojedo pral i menshende an o foro Jerusalem un an o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.

Hosea 13:3

Doleske hi le har i wolka, hoi taissarlakro sik krik djal, un har ko pani, hoi ap o senlepen hi, un sik buder gar koi hi. Awa, har o phuss hi le, hoi well dran i platsa win phurdedo, kai o djob win dino was, un har i jagakro ducho, hoi tserdell dran i wochni win.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

4. Mose 35:19

Kowa, kai les an peskre wasta hi, te anell lo o rat o mulo murshestar ap o marepaskro shero, kowa hunte marell kol marepaskres. Kai job les taprella, hunte dell lo les mulo.

4. Mose 35:21

oder te das job les dran choli o wasteha jaake, te meras kowa, palle hunte well kowa, kai das les, maredo. Job hi i marepaskro. Kowa, kai les an peskre wasta hi, te anell lo o rat o mulo murshestar ap o marepaskro shero, kowa hunte marell kol marepaskres. Kai job les taprella, hunte dell lo les mulo.

4. Mose 35:27

un ko mursh, kai kamell les te marell, hatsell les win glan o naashepangro foro, un dell les mulo, palle anas job kek doosh ap peste.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 25:46

Un kol tchilatche len i phagi hako tsireske. I latche lenn o djipen, hoi gar pre-herella.

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

5. Mose 28:65

Mank kol menshende hatsenn kek platsa, kai khere han un atchenn nashte. Un o baro Dewel dell tumen kote i dji, hoi o tselo tsiro darell. An tumare jaka hi kek djipen buder. Un tumer kamenn buder gar te djiwell.

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen