1. Mose 4:11 - O Debleskro Drom 2021 (Sinte)

¹¹ I phub kras peskro mui pre un pijas tiro phraleskro rat, koles tu mulo dal. Kanna nai budress buder gar ap i phub. Tu wess praassedo ap i phub.

O Debleskro Lab 2024 (Sinte-Manouche)

¹¹ I phoub kras peskro mouy pre oun piyas tiro phraleskro rat, koles tou moulo dal. Kanna nay boudress bouder gar ap i phoub. Tou vess praasedo ap i phoub.

1. Mose 4:11 ပူးပေါင်းရင်းမြစ်များ

1. Mose 3:14

Koi penas o baro Dewel, maro rai, ap o sap: “Praassedo wess koleske, hoi tu kral. Tuke djan le dran o drom, – tuke kokres un gar i tsele wawar viechenge. Tu djas ap tiro per un chas tchik tiro tselo djipen.

1. Mose 4:14

Tu tradeh man kau diwes win dran o them! Me hunte khatrap man glan tute. Man wella kek them, kai khere hom. Me hunte dap man trujel. Hakeno, koon hatsell man, nai dell man mulo.”

1. Mose 5:29

Un job das les ko lab Noah un penas: “Mari budi hi pharo ap i hachetikri phub, kai tchiwas o baro Dewel i bibacht pre. O Noah dell mare djia newi soor.”

Hiob 16:18

Me hom har i mursh, kai was maredo. I phub te khatrell gar miro rat, te well leskri gole hako tsiro shunlo.

Jesaja 26:21

O baro Dewel well dran peskro kheer win, te anell lo o tchilatchepen pale ap i sherja kolendar, kai o tchilatchepen kran. Palle well o rat kolendar diklo, kai maredo wan. Un i phub khatrell len buder gar.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Debleskro tsiro 12:16

Koi kras i phub peskro mui pre, un pijas ko tselo sorelo pani, hoi ko baro lolo sap dran peskro mui win tchungras.