1. Mose 4:10 - O Debleskro Drom 2021 (Sinte)

¹⁰ Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

O Debleskro Lab 2024 (Sinte-Manouche)

¹⁰ Oun o Devel penas: “Hoy kral tou? Shoun! Tiro phraleskro rat dell gole pal mande dran i phoub.

1. Mose 4:10 ပူးပေါင်းရင်းမြစ်များ

1. Mose 18:20

Un o baro Dewel penas: “Bud djungelo koowa was pral i forja Sodom un Gomorra rakedo, kai jon an baro tchilatchepen djiwenna.

1. Mose 3:13

Un o baro Dewel, maro rai, penas ap i romjate: “Hoske kral tu kowa?” “O sap chochras man”, penas i romni, “jaake kai chom.”

1. Mose 9:5

Kek hunte lell tumaro djipen. Hakeno koon lell tumaro djipen, kolestar lau me ninna leskro djipen: hako viechestar un hako menshestar.

2. Rajengro liil 9:26

O baro Dewel penas leske: ‘Me dikom har taissar o Nabot un leskre tchawe mulo dino wan. Kate ap leskro kotar them dau tut pale, hoi tu leske kral.’ Doleske penau tuke: Le les un witse les koi! Jaake well kowa, har o baro Dewel penas.”

2. Familjakro liil 28:9

Kote djiwas i Debleskro rakepaskro. Leskro lab his Obed. Kowa djas win un stakras kol lurdenge an o drom, kai wan pale an o foro Samaria, un penas ap lende: “O baro Dewel, ko Dewel tumare phurendar, his chojedo pral i menshende an o them Juda. Doleske das job len an tumare wasta. Tumer dan len i bari choljah jaake khetne, kai lengre golja an o bolepen shunlo wan.

Hiob 16:18

Me hom har i mursh, kai was maredo. I phub te khatrell gar miro rat, te well leskri gole hako tsiro shunlo.

Hiob 24:12

An i forja denn kolla gole, kai hi dukedo un merenn. Un o Dewel dell kek jak ap ko narwelo koowa, hoi i tchilatche krenn.

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Debleskri gili 72:14

Job lell len win dran o wast kolendar, kai lenge o djipen phares kran. Un kolendar, kai len dawa dan, lell lo len krik. Lengro djipen hi leske bud moldo.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

Debleskri gili 9:13

Kowa, kai bistrell gar te dell lo kolen i phagi, kai lan i rateskri doosh ap pende. Job shunell i gole un o mangepen kolendar, kai tchorwelo un palla lino hi.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

4. Mose 35:33

Ma krenn ko them pale-tchiddo, kai djiwenn! Pale-tchiddo well ko them dran o rat, hoi ratell, te well jek maredo. Kokres ko rateha kolestar, kai maras jekes, nai well o them pale djudjo.

Bičepangre 5:3

O Petro penas ap o Ananias: “Hoske kral tu o bengeske tiro dji pre? Hoske chochral tu o Debleskro Duches, un rikral lowe tuke?

Bičepangre 5:9

O Petro penas ap late: “Hoske kran tumer kowa win, un chochran o Debles? Kol mursha, kai paskran tiro romes, hi glan o wudar tardo, un hidjrenn ninna tut win.”

5. Mose 21:1

Te well i mulo mensho win glan o foro tchiddo hatslo an o them, hoi tumaro baro Dewel tumen dell, te lenn tumer les dren, un kek djinell, koon les mulo das,

Hebrearja 11:4

An o phuro tsiro patsas o Abel ap o Debleste, un maras leske i viecho. Har dikas o Dewel, hoi o Abel leske anas, dikas lo latches ap kowa. Jaake was o Abel an o tchatchepen tardo glan leste. Kowa, hoi leskro phraal, o Kain, o Debleske anas, kowa his gar jaake latcho glan o Debleskre jaka har kowa, hoi o Abel leske anas. Ninna te meras o Abel, sikrell men leskro djipen gomme kau diwes leskro patsepen.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Josua 7:19

Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”

1. Samuel 13:11

“Hoi kral tu?” putchas o Samuel lestar. Un o Saul penas: “Me dikom, te nashenn penge i lurde, un tu wal gar ko tsireske, hoi tu penal. Un i Filistarja wan an Michmas khetne.