1. Mose 39:9 - O Debleskro Drom 2021 (Sinte)

⁹ Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

O Debleskro Lab 2024 (Sinte-Manouche)

⁹ Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

1. Mose 39:9 ပူးပေါင်းရင်းမြစ်များ

1. Mose 13:13

Kol menshe an Sodom his tchilatcho un djiwan an baro tchilatchepen glan o baro Debleste.

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

1. Mose 20:9

Un o Abimelech kharas o Abrahames, te well lo pash leste un penas: “Hoi kral tu mentsa? Un hoi krom me tut, kai tu anal bari doosh ap mande un ap miro tselo them! Tu kral tchomone, hoi hunte krals tu gar!

1. Mose 24:2

Koi penas o Abraham ap peskro pralstuno budepaskro, kai das garda ap halauter, hoi o Abrahames his: “De tiro wast koi pre,

1. Mose 39:10

Jek diwes pal o wawar was joi kol labentsa. Un job shunas gar ap late un tchiwas pes gar pash late. Witar gar kamas job pash late te well.

1. Mose 41:40

Tu wess rai pral miro baro kheer. I tsele menshe an miro them hunte krenn kowa, hoi tu peneh. Me kokres hom bareder har tu un atchau baro rai pral o them Egiptia.”

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

2. Samuel 11:27

Har his kol diwessa trujel, kai li rowas, bitchras o David jekes pash late, un mukas lat an peskro kheer te anell. Un joi was leskri romni, un anas leske i tchawo ap i phub. Glan o baro Debleskre jaka his kowa gar mishto, hoi o David kras.

2. Samuel 12:13

Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Nehemia 6:11

Me penom: “I mursh, har me hom, nashell gar krik. Patseh, te djoms an o Debleskro kheer, te atchap djido? Me djau gar dren!”

Hiob 31:23

Sau koowa nai kroms me gar, me trashau o Deblestar, un hunte daroms, te well leskri choli pral mande!

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

2. Mose 20:14

Romeha, ma dja i wawar djuwjah! Romnija, ma dja i wawar mursheha!

Gosewe laba 6:29

Jaake djal koleske, kai pash i romjate i wawarestar djal. Hakeno, kai lat an-taprell, lell peskri phagi.

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jeremia 28:16

Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”

Jeremia 50:7

Halauter, kai len hatsan, chan len pre. Un kolla, kai his chojedo ap lende, penan: Mer krah tchi, hoi gar tchatcho hi! Jon anan doosh ap pende, har mukan le o baro Debles, kai das len lauter, hoi len hunte well djipaske, un ap koleste lengre phure patsan.

3. Mose 20:10

Te sowell jek i romjah i wawarestar, hunte wenn kol dui maredo.

3. Mose 6:2

Pen ap o Aron un leskre mursh tchawende: Jaake hunte krenn tumer o viecheha, koleskro tselo mass mange chatchedo well: Ko mass atchell ap i chatchepaskri koi tseli rat, bis te well o newo diwes. Un koi jag ap i chatchepaskri hunte chatchell i tseli rat un djal gar win.

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Louka 12:48

Koon kowa krella, hoi gar mishto hi, un djinell kowa gar, lell gar bud dawa. Koon bud o Deblestar las, kolestar kamell job, te krell lo peskri budi mishto. Un kones bud soor un goswepen dino was, kolestar kamell o Dewel, te budrell lo gomme feteder.”

1. Korintarja 4:2

Un i budepaskro hunte krell peskri budi mishto.

Tito 2:10

te tchorenn le tchi lestar! I budepangre hunte krenn pengri budi mishto un tchatcho. Jaake sikrenn le an hako koowa, har mishto o Debleskro drom hi, hoi lende siklo was. Un jaake sharenn le o Debles, kai las men win dran o tchilatchepen.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

1. Johanni 3:9

Kolla, kai o Debleskre tchawe hi, djiwenn gar an o tchilatchepen. O Debleskre tchawen hi o Debleskro djipen an lende. Un jon nai djiwenn gar an o tchilatchepen.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.