1. Mose 39:14 - O Debleskro Drom 2021 (Sinte)

¹⁴ “Dikenn”, penas joi ap lende, “ko Hebreari, koles miro rom anas pash mende, kamell te krell lo dinelo koowa mentsa. Job was, te tchiwell lo pes pash mande. Un me dom bari gole.

O Debleskro Lab 2024 (Sinte-Manouche)

¹⁴ “Dikenn”, penas yoy ap lende, “ko Hebreari, koles miro rom anas pash mende, kamell te krell lo dinelo koova mentsa. Yob vas, te čivell lo pes pash mande. Oun me dom bari gole.

1. Mose 39:14 ပူးပေါင်းရင်းမြစ်များ

1. Mose 10:21

O Jafeteskro phureder phraal, o Sem, las ninna tchawe. Job his o dad i tsele menshendar Eber.

1. Mose 14:13

Un jek kolendar, kai peske nashas, was pash o Abrameste un penas leske halauter. O Abram his i Hebreari. An ko tsiro djiwas o Abram pash i bare ruka ko murshestar Mamre. Kowa his i Amorari. Leskre phrala his o Eshkol un o Aner. Kolla triin kran o Abrameha win, te rikrenn jon khetne, un dan pengro dadeskro wast koi pre.

1. Mose 39:13

Har joi dikas, kai mukas job peskro ripen an lakro wast un nashas peske, kharas joi i budepangre an lakro kheer.

1. Mose 39:15

Un har job shunas, kai dom bari gole, mukas job peskro ripen pash mande un nashas peske.”

1. Mose 39:17

Ninna ap leste penas joi kol laba: “Ko Hebreari, koles anal pash mende, was pash mande, te krell job dinelo koowa mantsa.

1. Mose 39:7

Ko diwes was, kai leskro rajeskri romni kamas les un penas: “Tchip tut pash mande!”

1. Mose 40:15

Hom tchoredo dran o them, kai djiwenn i Hebrearja. Un kate krom me witar tchi, kai hunte djap an o stilepen.”

Debleskri gili 120:3

Hoi te krell lo tumentsa, tumer chochene? Hawi phagi anell lo ap tumende?

Debleskri gili 35:11

Chochene wenna, un anenn doosh ap mande. Jon putchenn mandar, hoi me gar djinau.

Debleskri gili 55:3

Dik ap mande un shun, har gole dau un rowau.

Gosewe laba 10:18

Koles hi i chocheno mui, kai peskri choli ap i wawareste khatrell. Un kowa, kai chochepen pral i wawareste rakrell, hi i dinelo.

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Ezekiel 22:5

Kolla, kai dur hi, un kolla kai gar dur tumendar djiwenn, san pral tumende. Tumaro foro well kharedo ‘pale-tchiddo foro’. Kek rikrell pes ap tchatchepaskre laba.

Mateo 26:59

Un i bare rashaja un i tsele pralstune bibolde rodan murshen, kai anenn chocheno koowa ap o Jesuseste, te nai marenn le les.

Mateo 5:11

Tumer patsenn ap mande. Doleske praassenn le tumen, lenn tumen palla, un rakrenn chochene tchilatche laba pral tumende. Te krenn le kowa, awenn bachtele!

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

2. Korintarja 6:8

Hi menshe koi, kai sharenn men, un wawar, kai praassenn men. Hi menshe, kai rakrenn djungeles pral mende, un wawar, kai rakrenn kamles pral mende. Ko jek penell: “Chochene!” ap mende, kol wawar djinenn, mer penah o tchatchepen.

1. Petro 2:20

Te krenn tumer tchilatcho koowa un wenn doleske dino, hi kowa gar mishto, ninna te rikrenn tumer i duka win. Te krenn tumer latcho koowa, un jon dukrenn tumen dran kowa, palle sharell tumen o Dewel.