1. Mose 39:1 - O Debleskro Drom 2021 (Sinte)

¹ I Ismaelarja anan o Josefes an o them Egiptia. Kote ginas les lendar i Egiptari. Leskro lab his Potifar. Kowa his jek kol rajendar, kai an o kheer o baro rajestar pral o them Egiptia hi. Job his ninna o pralstuno i lurdendar, kai denn garda ap o baro rajeste.

O Debleskro Lab 2024 (Sinte-Manouche)

¹ I Ismaelarya anan o Yosefes an o them Egiptia. Kote ginas les lendar i Egiptari. Leskro lab his Potifar. Kova his yek kol rayendar, kay an o kheer o baro rayestar pral o them Egiptia hi. Yob his ninna o pralstouno i lourdendar, kay denn garda ap o baro rayeste.

1. Mose 39:1 ပူးပေါင်းရင်းမြစ်များ

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

1. Mose 37:28

Har i parepangre dran o them Midian pashel wan, tserdan les o Josefeskre phrala dran i gruba win, un bikran les ap i Ismaelarja, un lan lendar biish rupene kotja. Un jon anan o Josefes an o them Egiptia.

1. Mose 37:36

Un i parepangre dran o them Midian bikran o Josefes an o them Egiptia ap jekeste kol rajendar, kai an o baro rajeskro kheer hi. Leskro lab his Potifar. Job his o pralstuno kolendar, kai denn garda ap o baro rajeste pral o them Egiptia.

1. Mose 40:3

un tchiwas len stildo an ko kheer o pralstunestar i lurdendar. An ko stilepen his ninna o Josef.

1. Mose 45:4

Koi penas o Josef ap peskre phralende: “Awenn pash mande!” Un jon djan pash leste. Un job penas pale: “Me hom o Josef, tumaro phraal, kowa, kai bikran tumer ap i parepangre, kai anan man an o them Egiptia.

Debleskri gili 105:17

[Un jon djan an o them Egiptia.] Glan lende bitchras lo i murshes. Kowa his o Josef. Job was i ginlo budepaskro.

Bičepangre 7:9

Mare phure dada silweran ap o Josefeste, un bikran les an o them Egiptia. Un o Dewel his pash leste,