1. Mose 38:9 - O Debleskro Drom 2021 (Sinte)

⁹ O Onan djinas, kai kol tchawe gar leskre hi. Doleske kras job jaake, kai peskro phraleskri romni gar an wawar koowa wella, hako kopo har was lo lah khetne. Job kamas gar, te well i tchawo leskro phraleske boldo.

O Debleskro Lab 2024 (Sinte-Manouche)

⁹ O Onan djinas, kay kol čave gar leskre hi. Doleske kras yob yaake, kay peskro phraleskri romni gar an vavar koova vella, hako kopo har vas lo lah khetne. Yob kamas gar, te vell i čavo leskro phraleske boldo.

1. Mose 38:9 ပူးပေါင်းရင်းမြစ်များ

1. Mose 38:10

Un kowa, hoi job kras, his tchilatcho an o baro Debleskre jaka. Un job mukas les ninna te merell.

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Gosewe laba 27:4

I choli hi diwjo un sorelo har i sorelo pani, hoi lauter peha krik tserdell. Koon nai atchell tardo te silwerell i mursh?

5. Mose 25:5

Te djiwenn phrala khetne, un jek lendar merella, un koles his kek mursh tchawe, palle hunte djal leskro phraal pash leskri romjate un romedinerell lat, un kek wawar mursh.

5. Mose 25:6

Un ko ersto tchawo, koles joi ap i phub anell, kharell har ko phraal, kai meras, jaake te merell koleskro lab gar win an Israel.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Jakobo 3:14

Te silwerenn tumer un hadenn tumen pre pral i wawarende, ma penenn, kai han gosewo! Kowa wals i chochepen un gar o tchatchepen.

Jakobo 3:16

Kote, kai i menshe silwerenna, un hadenn pen pre pral i wawarende, kote hi tchingepen un hako tchilatcho koowa.

Jakobo 4:5

O Debleskro lab penell gar tchitcheske: O Debleskro Ducho, kai an mende khere hi, kamell men peske kokres.

Ruth 1:11

I Naomi penas: “Djan khere, mire tcha! Hoske kamenn tumer mantsa te djal? Me hom buder gar terni doha, te lap tchawe, te nai wans le tumare romma.

Ruth 4:10

Un ninna lom me i Rut dran o them Moab, kolakro rom o Machlon his, te well li miri romni un anell leske i tchawo ap i phub. Jaake atchell ko kotar phub an leskri familja, un leskro lab merell gar win mank peskre phralende un an kau foro. Un tumer shunan un dikan kowa un djinenn, jaake hi kowa.”