1. Mose 38:26 - O Debleskro Drom 2021 (Sinte)

²⁶ Un o Juda prindjras kowa un penas: “Joi hi feteder an o tchatchepen tardo har me. Me dom lat gar miro tchaweste Shela. Doleske kras joi kowa.” O Juda was buder gar khetne lah.

O Debleskro Lab 2024 (Sinte-Manouche)

²⁶ Oun o Youda prindjras kova oun penas: “Yoy hi feteder an o čačepen tardo har me. Me dom lat gar miro čaveste Shela. Doleske kras yoy kova.” O Youda vas bouder gar khetne lah.

1. Mose 38:26 ပူးပေါင်းရင်းမြစ်များ

1. Mose 37:33

Un o Jakob prindjras ko ripen un penas: “Kowa hi miro tchaweskro ripen. I diwjo viecho dandras les an kotja un chas les pre.”

1. Mose 38:14

Joi djinas, kai o Shela baro was, un kai joi leste gar dino was, te well li leskri romni. Doleske riwas joi kanna kol ripja win, hoi i romni hidjrella, kolakro rom mulo hi. Un tchiwas i diklo pral peskro mui, jaake kai dikan le nai gar lakro mui. Un beshas pes pash o baro wudar glan o foro Enajim. Kowa hi tchiddo ap o drom an o foro Timna.

1. Mose 4:1

O Adam was khetne peskri romjah Eva. Un joi was an wawar koowa un anas i tchawes ap i phub un das les o lab Kain. Un joi penas: “Me lom i mursh tchawo. O baro Dewel das les mande.”

2. Samuel 16:22

Un jon tchiwan i plachteno kheer pre o Absalomeske pral ap leskro kheer. Un kote anan le o Davideskre djuwjen. Un o Absalom sowas kol djuwjentsa peskro dadestar. Un o tselo Israel dikas kowa.

2. Samuel 20:3

Har o baro rai David khere was an o foro Jerusalem, las job peskre deesh wawar djuwjen, kai mukas lo koi, te denn le garda ap o kheer, un anas len an i wawar kheer, hoi pandlo hi. Un job dikas, te djal lenge mishto. Dren pash lende djas lo gar. Jaake his jon dren klidedo, bis te jon meran, un djiwan har djuwja, kolengro rom meras.

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

Hiob 4:5

Kanna, kai was i bibacht pral tute, nashreh tiri soor. Kanna, kai tut kowa tapras, pereh tu khetne i trashatar.

Hiob 40:5

Jek kopo rakrom, un me kamau tchi buder te penell. Un dui kope rakrom, un me kamau les gar buder te krell.

Ezekiel 16:52

Kanna hunte hidjress tiri ladj! Tiri doosh hi jaake bud bareder har tire phenjengri doosh. Un jon dikenn langs tute win, har te wals len kek doosh. Jaake dau tute i bareder phagi har lende dom. Doleske ladjess tu tut. Hidje tiri ladj!

Habakuk 1:13

Tire jaka hi jaake djudjo, te nai dikeh kek tchilatchepen. Tu nai dikeh gar har i menshe dukedo wenna. Hoske kreh tu tchi, te dikeh kol chochene phukepangren, un peneh kek lab, te chal o tchilatcho koles pre, kai hi latcheder un tchatcheder har job?

Mateo 3:8

Sikrenn i menshende, te djan tumer ap o Debleskro drom un buder gar ap o tchilatcho drom!

Johanni 8:9

Har jon kowa shunan, djan le penge, jek pal o wawar. I phureder djan sikeder lendar, har kol wawar. Job atchas kokres koi romjah, kai kote tardo his.

Remarja 13:12

Kau tsiro kanna hi har i rati. Sik hi i rati buder gar kai. Un o diwes wella. Dran kowa djiwas gar har i menshe, kai djiwenn an i rati. Te kras buder gar tchilatcho koowa! Kanna hunte kras mer kowa, hoi mishto hi, te well o tchilatchepen gar o rai pral mende.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

1. Samuel 24:17

Har o David kol laba ap o Sauleste rakras, penas o Saul: “Shunau me gar tut, miro tchawes David, kate?” Un o Saul rowas soreles.

1. Samuel 24:18

Un palle penas lo ap o David: “Tu hal feteder an o tchatchepen tardo har me. Tu hals ap mande latches, me homs tchilatches ap tute.