1. Mose 38:25 - O Debleskro Drom 2021 (Sinte)

²⁵ Har joi win anlo was, mukas joi lakro romeskro dadeske te penell: “Ko murshestar hom me an o wawar koowa, koneske kawa hi. Prindjreh tu, koneskri gustri un dori un kasht kowa hi?”

O Debleskro Lab 2024 (Sinte-Manouche)

²⁵ Har yoy vin anlo vas, moukas yoy lakro romeskro dadeske te penell: “Ko morshestar hom me an o vavar koova, koneske kava hi. Prindjreh tou, koneskri goustri oun dori oun kasht kova hi?”

1. Mose 38:25 ပူးပေါင်းရင်းမြစ်များ

1. Mose 37:32

Palle bitchran le ko ripen lengro dadeske un mukan leske te penell: “Mer hatsam kowa. Dik, hi kowa gar o ripen tiro tchawestar?”

1. Mose 38:18

“Hoi dap tut?” putchas job. Koi penas joi: “Tiri gustri tiro labeha, un koi dori, kai i gustri pandlo hi, ninna tiro kasht, hoi an tiro wast hi.” Un job das kowa late un djas lah khetne. Un joi was lestar an wawar koowa.

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Remarja 2:16

Lauter kowa, hoi an o mensheskro dji hi, well diklo ap ko diwes, kai hi o Jesus Kristo o tchatchepaskro rai un rakrell o tchatchepen win pral i menshende. Jaake penell les o Debleskro lab, hoi me i menshenge penau.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.