1. Mose 38:24 - O Debleskro Drom 2021 (Sinte)

²⁴ Pal triin tchon was o Judaeske penlo: “I Tamar, tiro tchaweskri romni lubras pes trujel, un joi hi an wawar koowa.” Koi penas o Juda: “Anenn lat win, te well li pre chatchedo.”

O Debleskro Lab 2024 (Sinte-Manouche)

²⁴ Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

1. Mose 38:24 ပူးပေါင်းရင်းမြစ်များ

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

1. Mose 20:9

Un o Abimelech kharas o Abrahames, te well lo pash leste un penas: “Hoi kral tu mentsa? Un hoi krom me tut, kai tu anal bari doosh ap mande un ap miro tselo them! Tu kral tchomone, hoi hunte krals tu gar!

1. Mose 34:31

Penan kol dui ap leste: “Job las mari phenjat, har te wals joi i lubni. Un mer te kras tchi?”

1. Mose 38:23

Koi penas o Juda: “Joi nai rikrell kowa, hoi me lat dom. Te rodah mer lat dureder, rakrenn i menshe pral mande. Mer kram, hoi nashte kram. Me bitchrom lake koi busni, un tu hatsal lat gar.”

2. Samuel 12:5

Koi las o David i bari choli pral ko mursheste, un penas ap o Nataneste: “Me dau man sowel pash o djido Debleste: Ko mursh, kai kowa kras, hunte well maredo.

2. Samuel 12:7

“Tu hal ko mursh”, penas o Natan ap leste. “Un kowa penell o baro Dewel, o Dewel pral o Israel: ‘Me makom tut djeteha, te wess baro rai pral o Israel. Me lom tut dran o Sauleskre wasta win,

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Jeremia 3:6

An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Jeremia 3:8

har me lakri phenjat, i Israel, krik bitchrom koleske, kai das li pes wawar murshentsa trujel, un dom lat i liil, kai tchinlo hi, te bitchrom lat krik. Kowa kras i chocheni Judake kek daar. Joi djas koi un das pes ninna trujel wawar murshentsa.

Ezekiel 16:15

Un tu wal pre-phurdo dran tiro shukapen. Un har i wawar tut jaake sharan, witsral tut hakeneske ap i meen, kai kote djas, kai tu hals, un dal tut leske.

Ezekiel 16:25

Un kote kai i dromma khetne wenn, kral mangepaskre platse un kral te was tiro shukapen tchadepaske. Un sowal hakeneha, kai was tuke ap o drom. Un tiro lubjengro koowa was budeder un budeder.

Ezekiel 16:26

Tu lubras trujel i Egiptarentsa, kolen bari chantch hi, un kolengro them pash tiro them tchiddo hi. Un kral bud lubjengro koowa, te tapras man i choli.

Ezekiel 16:28

Tu lal gar doha, un lubral kolentsa dran o them Assur trujel. Un ninna kowa his tuke gar doha.

Ezekiel 16:41

Un tire khera chatchrenn le an i jag pre, un denn tut tiri phagi glan i jaka bud djuwjendar. Jaake krau, te nai lubreh buder gar trujel, un nai gineh tuke buder kek pirnes.

Ezekiel 23:19

Un joi kras kowa gomme djungleder, un lake was ko tsiro an o shero, har li terni his, un an o them Egiptia i lubni was.

Ezekiel 23:44

Un jaake har mursha pash lubjende dren djan, jaake djan le pash i Ohola un pash i Oholiba, kol wi-ladjede djuwjende.

Ezekiel 23:5

Un an ko tsiro, har his li miro, lubras i Ohola trujel, un nashas wawar murshenge palla. Lakre pirne his kurepangre dran o them Assur,

Hosea 2:5

Te krell li kowa gar, palle riwau lat win, te hi li nanges tchiddo, har ap ko diwes, kai li boldo was. Un krau, te well o them i mulo them, kai kek pani hi, kai hunte merell li i trushatar.

Hosea 3:3

Un me penom ap late: “Tu atchess pash mande i rah tsiro, un lubress tut gar trujel, un sowess gar wawar murshentsa. Un an kau tsiro kamau me witar gar tuha te sowell.”

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

3. Mose 20:10

Te sowell jek i romjah i wawarestar, hunte wenn kol dui maredo.

3. Mose 21:9

Te well i rashajeskri tchai i lubni, anell i bari ladj ap peste un peskro dadeste. Joi well an i jag chatchedo.

Remarja 14:22

Kowa, hoi tu patseh an kau koowa, djineh tu un o Dewel kokres. Tu hunte sikress les lende gar. Bachtelo hal tu, te kreh lauter jaake, te hunte peness tuke gar: Kowa, hoi krom, his gar mishto.

5. Mose 24:16

I dada wenn gar maredo koleske, hoi lengre tchawe kran. Un i tchawe wenn gar maredo koleske hoi lengre dada kran. Hakeno, kai kras sawo tchilatcho koowa, koleske job merell hunte, kowa well peskri doshake maredo.

Čačepangre 19:2

His i diwes, kai mukas li peskro romes, un nashas lestar pash peskro dadeste an o foro Betlehem an o them Juda, un his kote star tchonna.