1. Mose 37:34 - O Debleskro Drom 2021 (Sinte)

³⁴ Un o Jakob kras peskre ripja paash i dukatar. Un tchiwas i gono trul peste un rowas i rah tsiro pral peskro tchaweste.

O Debleskro Lab 2024 (Sinte-Manouche)

³⁴ Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

1. Mose 37:34 ပူးပေါင်းရင်းမြစ်များ

1. Mose 37:29

Har was o Ruben pale pash i gruba un dikas, kai o Josef buder gar dren his, kras job peskre ripja paash i dukatar.

1. Mose 42:38

“Na-a”, penas o Jakob. “Miro tchawo djal gar tumentsa! Leskro phraal hi mulo. Un job kokres atchas mange leskri datar i Rachel. Me hom i phuro rom. Te taprels les i bibacht ap o drom, meraus i bari dukatar.”

1. Mose 44:13

Koi kran le pengre koola an kotja i dukatar. Un hadan pengre gone pale ap i burike un djan pale an o foro.

2. Samuel 1:11

Koi tapras o David ap peskre koola, un kras len paash i dukatar. Un kol mursha, kai pash leste his, kran kowa ninna jaake.

2. Samuel 3:31

O David penas ap o Joab un ap kol tsele menshende, kai pash leste his: “Krenn tumare koola paash, un tchiwenn i gono trul tumende, un rowenn pral o Abner, kai mulo hi!” Un o baro rai djas pal o mochton, kai o mulo Abner dren his.

1. Rajengro liil 20:31

Kote rakran leskre bare mursha leha un penan: “Dik, mer shunam, kai i bare raja dran o kheer Israel latche raja hi. Muk men win te djal pash o rajeste pral Israel, i goneha trul mende pandlo, un i dori trul mari meen, te sikras mer leste, te hi lo maro rai. Jaake kamah lestar tiro djipaske te mangell.”

1. Rajengro liil 21:27

Har shunas o Ahab kal laba, tserdas lo peskri plaashka an kotja, riwas peske i gono trujel, chas tchi, un rakras buder gar. Ninna o sopaske riwas lo o gono gar win.

2. Rajengro liil 19:1

Har o baro rai Hiskija kowa shunas, kras lo peskre koola paash un riwas i gono ap peste, un djas an o baro Debleskro kheer.

2. Rajengro liil 2:12

O Elisa dikas kowa un das gole: “Miro dad, miro dad, tu baro kurepaskro i Israelenge!” Un dikas les gar buder. Koi tapras job peskre koola un phagas len an dui kotja,

2. Rajengro liil 22:11

Jaake was, har o baro rai i laba dran ko liil shunas, kras lo peskre koola paash, kai ap leste his.

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

1. Familjakro liil 7:22

Un lengro dad, o Efrajim, rowas i rah tsiro, un leskre phrala wan, te rakrenn leha latche laba.

Nehemia 9:1

Un ap o 24. (biish-te-starto) diwes an kau tchon wan i Israelitarja khetne, un jon chan tchi un riwan pen an gone un tchiwan tchik ap pengre sherja.

Hiob 1:20

Kote stas o Hiob pre, un sorjah tserdas lo peskre pralstune koola pestar tele, un kras len paash, jaake bud dukas leskro dji. Job tchinas peskre balla tele, mukas pes ap i phub te perell un mangas o Debles an.

Hiob 16:15

Me siwom mange i gono trul mande, un hom tchiddo kek sorjah an i tchik.

Hiob 2:12

Har dikan le les fun dural, prindjran le les gar buder pale. Un jon rowan phares. Un sorjah tserdas hakeno lendar peskre koola pestar tele, un kras len paash. Un jon witsran tchik pre un ap pengre sherja.

Debleskri gili 69:11

Rowom un kamom tchi te chal, un jon san man doleske win.

Jesaja 32:11

Trissenn, tumer djuwja, kai tumenge kek shero krenn, trissenn i darjatar, tumer, kai dikenn kokres ap tumende! Riwenn tumare ripja win, un tchiwenn i gono trul tumende!

Jesaja 36:22

Un kol triin pralstune, kolen o Hiskija bitchras, o Eljakim, ko pralstuno pral leskro kheer, koleskro dad o Hilkija hi, un o Shebna, kai tchinas i lila, un o moskro Joach, koleskro dad o Asaf hi, jon kran pengre koola paash i dukatar un djan pash o Hiskija un penan leske kol laba, kai ko pralstuno dran o them Assur ap lende penas.

Jeremia 36:24

Kek kolendar, kai shunan kol laba, las traash un sikras, kai kol laba leske an o dji djan, gar o baro rai un witar gar kol pralstune pash leste.

Jeremia 48:37

I mursha tchinan o tselo baal ap pengre shere tele, ninna pengre tchora, te sikrenn le, kai lenge ropaske hi. Lengre wasta hi pre tchinle. Un hakeno riwas i gono pral peste.

Joel 2:13

Tserdenn tumare djia an kotja un gar tumare ripja!” Un djan pale pash tumaro baro Debleste! Les hi i baro dji, pherdo kamlepen. Job well gar sik chojedo. Leskro latchepen hi baro. Un koi phagi, hoi kamas lo te dell, lell lo pale.

Mateo 11:21

Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Mateo 26:65

Koi kras o baro rashai peskro ripen paash, te sikrell lo peskri choli, un penas ap i wawar pralstunende: “Job krell pes har o Dewel. Tumer shunan les. Kek hunte penell menge budeder.

Bičepangre 14:14

Har o Barnabas un o Paulo kowa shunan, kran le pengre ripja paash un stan mashkral kol menshende, un dan gole:

Josua 7:6

Har o Josua kowa dikas, dukas leskro dji jaake, te kras lo peskre koola, hoi ap leste his, paash, un mukas pes i mujeha ap i phub te perell, – glan o mochton, kai o baro Debleskre deesh laba dren his, un atchas jaake tchiddo bis ap i rat. Ninna i phureder an Israel kran kowa jaake. Un jon witsran tchik ap pengre shere.

Debleskro tsiro 11:3

Un me bitchrau dui rakepangren an ko foro. Kolla penenn i menshenge o tchatchepen pral mande. Lengre ripja hi kerdo dran gone. Deesh-te-dui-sheel-te-shob-desha (1.260) diwessa penenn jon lenge mire laba.”

Čačepangre 11:35

Un har job lat dikas, kote tserdas lo i koola pestar tele, un penas: “Ach miri tchai, hawi bari duk kreh tu mange! Miro dji rowell tuke! Me dom o baro Debleste miro lab, un nai lau les gar buder pale.”