1. Mose 37:21 - O Debleskro Drom 2021 (Sinte)

²¹ Har shunas o Ruben kowa, kamas job les win te lell dran lengre wasta, te well job gar maredo, un penas ap lende: “Mer dah les gar mulo!

O Debleskro Lab 2024 (Sinte-Manouche)

²¹ Har shounas o Ruben kova, kamas yob les vin te lell dran lengre vasta, te vell yob gar maredo, oun penas ap lende: “Mer dah les gar moulo!

1. Mose 37:21 ပူးပေါင်းရင်းမြစ်များ

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 37:22

Mukenn les djido! Witsrenn les an kai gruba, kai an o mulo them! Un krenn leske tchi!” Job penas kowa, te lell lo les win dran lengre wasta, te anell job les pale pash leskro dadeste.

1. Mose 42:22

Un o Ruben penas ap lende: “Penom me gar ap tumende: Ma krenn tchilatchepen o tchaweske? Tumer shunan gar. Kanna well leskro rat ap mende.”

1. Mose 9:5

Kek hunte lell tumaro djipen. Hakeno koon lell tumaro djipen, kolestar lau me ninna leskro djipen: hako viechestar un hako menshestar.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Josua 10:28

Un ko diwes las o Josua ninna o foro Makkeda dren. Un o baro rajes un lauteren, kai an ko foro djiwan, das lo mulo, un mukas kekes djido. Un o baro rajeha pral o foro Makkeda, kras lo jaake har lo les ninna o baro rajeha pral o foro Jericho kras.