1. Mose 37:15 - O Debleskro Drom 2021 (Sinte)

¹⁵ Koi hatsas les i rom, har job ap o them trujel nashas. Un ko rom putchas lestar: “Hoi rodeh tu?”

O Debleskro Lab 2024 (Sinte-Manouche)

¹⁵ Koy hatsas les i rom, har yob ap o them trouyel nashas. Oun ko rom poučas lestar: “Hoy rodeh tou?”

1. Mose 37:15 ပူးပေါင်းရင်းမြစ်များ

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 37:14

Koi penas o Israel: “Dja koi un dik, har lenge un i bakrenge djala. Un pen les mange!” Jaake bitchras job les dran o telstuno them Hebron. Un job was pash o foro Sichem.

1. Mose 37:16

“Me rodau mire phralen”, penas o Josef. “Pen mange, kai jon ap i bakrende garda denna!”

2. Rajengro liil 6:19

Un o Elisa penas ap lende: “Kowa hi gar ko drom un gar ko foro. Djan mange pal! Me anau tumen pash ko mursheste, koles tumer rodenna.” Un job anas len an Samaria.

Johanni 1:38

Un o Jesus rissras pes trujel, un dikas len. Un job putchas lendar: “Hoi rodenn tumer?” Penan jon: “Sikepaskro, kai chah un soweh tu?”

Johanni 18:4

O Jesus djinas halauter, hoi ap leste wella un djas win pash lende un putchas lendar: “Kones rodenn tumer?”

Johanni 18:7

Pale putchas o Jesus lendar: “Kones rodenn tumer?” “O Jesuses dran Nazaret,” penan jon.

Johanni 20:15

Koi penas o Jesus ap late: “Romnija, hoske roweh tu? Kones rodeh tu?” I Maria patsas: Job hi kowa, kai budrell an i baar. Doleske penas li: “Romeha, te anal tu les krik, pen mange, kai tu les tchiwal, te djap koi, un lap les pale!”

Johanni 4:27

Koi wan leskre mala pale dran o foro. Har jon dikan, kai job i djuwjah rakras, kran le bare jaka. Kek putchas lestar: Hoi kameh tu latar? Un kek putchas lestar witar gar: Hoske rakreh tu lah?

Čačepangre 4:22

Un har o Barak o Siseres palla las, djas i Jael win pash leste, un penas: “Ab mantsa, un me kamau tuke ko murshes te sikrell, koles tu rodeh!” Un job djas pash late dren, un dikas o Siseres mules koi tchiddo. O saster his an leskro shero.