1. Mose 35:5 - O Debleskro Drom 2021 (Sinte)

⁵ Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

O Debleskro Lab 2024 (Sinte-Manouche)

⁵ Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

1. Mose 35:5 ပူးပေါင်းရင်းမြစ်များ

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

1. Mose 35:4

Un jon dan o Jakobeste pengre tsele deblen dran barra un kashta, hoi jon an-mangan, un i tsele kanengre, hoi an lengre kanda his. Un o Jakob paskras len tel o baro ruk pash o foro Sichem.

2. Familjakro liil 14:13

Un pral kol tsele forja trul o foro Gerar was i bari traash o baro Deblestar. Jaake nai lan i lurde dran Juda ninna kal tsele forja dren, un tchoran i tsele forja win, un hatsan kote bud kutch koowa.

2. Familjakro liil 14:14

Ninna djan le ap i plachtene khera pre, kai kolla djiwan, kai dan garda ap pengre vieche, un lan bud bakre un khamele pentsa. Pal kowa djan le pale an o foro Jerusalem.

2. Familjakro liil 17:10

Ap i tsele themma, hoi trul o them Juda tchiddo his, mukas o baro Dewel i traash te well, jaake te djas kek an o kurepen o rajeha Josafat.

Debleskri gili 105:14

Un o Dewel das jak, te taprell len kek an. Un i bare rajen pral kol themma das lo trad un penas lenge:

Debleskri gili 14:5

Sik well ko tsiro, kai perenn le an i daar. O Dewel rikrell pash kolende, kai an o tchatchepen tardo hi.

2. Mose 23:27

An hako them, kai tu djah, krau me i menshenge sawi daar glan tute, te nashenn le i darjatar penge.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

5. Mose 11:25

Kek nai atchell glan tumende tardo, Traash un daar mukell tumaro baro Dewel ap i menshende an o tselo them te well glan tumende, jaake har job les tumenge penas.

5. Mose 2:25

Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.

1. Samuel 11:7

Un job las dui grumja un tchinas len an kotja, un bitchras kol bitchepangre kol kotjentsa mass an o tselo them Israel trujel un mukas te penell: “Koon djal gar win an o kurepen o Sauleha un o Samueleha, kolengre grumjenge djal jaake har kalenge!” Koi peras o baro Debleskri daar ap i tsele menshenge, un i tsele mursha djan win har te wans le jek mursh.

1. Samuel 14:15

Un i bari daar peras ap kol Filistarja, – ap lengri platsa un ninna win ap o them – ap kol tsele lurdende, ninna ap kolende, kai jak denn un ap kolende, kai win djan, te randenn le. Un i phub trissas. Jaake bitchras o Dewel i bari daar ap i tsele Filistarja.