1. Mose 35:2 - O Debleskro Drom 2021 (Sinte)

² Koi penas o Jakob ap peskri familja un ap lauterende, kai pash leste his: “Tchiwenn tumendar krik kol deblen dran barra un kashta, hoi tumer an-mangenna! Thowenn tumen un riwenn tumen djudje ripja an!

O Debleskro Lab 2024 (Sinte-Manouche)

² Koy penas o Yakob ap peskri familya oun ap lauterende, kay pash leste his: “Čivenn t'mendar krik kol deblen dran barra oun kashta, hoy t'mer an-mangenna! Thovenn t'men oun rivenn t'men djoudje ripya an!

1. Mose 35:2 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 31:19

Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.

1. Mose 31:30

Me djinau, tiro dji hi pash tire menshende. Doleske djal tuke. Pen mange, hoske tchoral mire deblen, kolen me an-mangau?”

1. Mose 31:34

I Rachel las kol khereskre deblen, khatras len tel i khamelakri pernitsa, un beshas pes pral pre. Un o Laban rodas an o tselo plachteno kheer un hatsas tchi.

1. Mose 34:2

Koi dikas lat o Sichem, koleskro dad o Hiwari Hamor his. O Hamor his o rai pral ko them. Un o Sichem tapras lat i sorjah un tchiwas pes pash late.

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

2. Samuel 7:23

Un kai hi menshe ap i phub har tire menshe Israel? Kolenge djal tu koi, te less len dran o pandepen win, te wenn le tire menshe. Ko baro un sorelo koowa, hoi tu lenge kral, kras, te wal prindjedo ap i phub. Tu tradal wawar menshen lengre deblentsa win glan tire menshende, kai tu win lal dran Egiptia, te wenn le tire.

2. Rajengro liil 17:29

Kol menshe, kai wan dran wawar forja un djiwan kanna an Samaria, jon kran penge pengre deblen an kol forja, kai djiwenn le, un tchiwan len ap i mulne platse an kol khera, hoi i Samaritarja kran.

2. Rajengro liil 5:10

Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

1. Familjakro liil 16:26

I debla i wawar menshendar hi chochene debla. O baro Dewel hi kowa, kai o bolepen kras.

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Debleskri gili 51:2

har o Debleskro rakepaskro Natan pash leste was, pal kowa o David i wawareskri romjat, i Batsheba, las.

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 19:14

Koi djas o Mose i berga tele un penas i menshenge, te krenn le pen djudjo o Debleske. Un hakeno thowas peskre koola.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

Sikepaskro 5:1

Ma kre tiro mui sik pre, te rakreh glan o Debleste. O Dewel hi an o bolepen, un tu hal ap i phub. Doleske kre gar bud laba, te rakreh.

Jesaja 1:16

Thowenn tumen, krenn tumen djudjo! Anenn tumaro tchilatcho koowa, hoi kran, dran mire jaka krik. Mukenn o tchilatchepen!

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Jeremia 13:27

Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?

Jeremia 16:20

Kek mensho nai krell peske deblen. Hoi lo krell, hi kek dewel.

Jeremia 5:7

Hoske bistrap i doosh mire menshendar? Jon djan mandar krik, un denn pen sowel pash koleste, kai kek dewel hi. Har me len tchalo krom, phagan le mantsa, un djan an i lubjengro kheer.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Ezekiel 20:7

Un me penom ap lende: Hakeno tumendar hunte witsrell kol djungele figuren krik, hoi lo an-mangell. Rikrenn tumen pale kol chochene deblendar, kolen i Egiptarja an-mangenn, te wenn tumer gar pale-tchiddo! Me, o baro Dewel, hom tumaro Dewel.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

3. Mose 17:16

Te thowell lo pes gar, witar gar peskre koola, hunte hidjrell lo peskri phagi.

4. Mose 31:24

Un tumer hunte thowenn tumare ripaskre koola ap o eftato diwes. Palle wenn tumer djudjo. Pal kowa nai wenn pale ap i platsa, kai i plachtene khera tardo hi.”

Bičepangre 19:26

Tumer dikan un shunan, kai o Paulo i menshenge penella: I dewel, kai i wastentsa kerdo wella, hi kek dewel. I menshe an o foro Efesus un an o them Asia shunenn ap o Pauleskro rakepen.

1. Korintarja 10:7

Ma mangenn wawar koowa an har o Debles! Mank kolende an o phuro tsiro his sawe, kai kran kowa. An o Debleskro lab hi tchinlo: Jon beshan tele, te chan le un pijan le un stan pre, te khelenn le glan o sonakaskro viecho.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Galatarja 4:8

An ko tsiro, kai prindjran tumer o Debles gar, hans wawarenge koi, har te wans le o Dewel.

5. Mose 11:28

I bibacht well ap tumende, te shunenn tumer gar ap i laba tumaro baro Deblestar, un djan leskro dromestar tele, un djan wawar deblenge palla, kolen tumer gar prindjrenn.

5. Mose 32:16

O Debleskre menshe nashan wawar deblen palla, un dukan pengro Debles. Ko djungelo koowa, hoi le kran, kras les chojedo.

5. Mose 5:7

Un tut well kek wawar Dewel har man.

5. Mose 6:14

Ma dja wawar deblenge palla, kolen i menshe dran i themma trul tumende, an-mangenn.

5. Mose 7:25

Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

Josua 24:2

Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

Josua 24:20

Te mukenn tumer o baro Debles, un mangenn wawar deblen an, palle dikell lo buder gar latches ap tumende un sikrell tumenge o dumo, un anell bibacht pral tumende, bis te buder kek tumendar koi hi.”

Josua 24:23

Koi penas o Josua: “Jaake tchiwenn kanna kol chochene deblen krik, hoi mank tumende hi. Un rissrenn tumare djia pash o baro Debleste, kai o Israeleskro Dewel hi.”

Judas 1:23

Wawar nashran pen. Kolen anenn ap o tchatcho drom! Kowa hi jaake har te tserdans len dran i jag win. Wawar djiwenn i djungelo djipen. Rakrenn ninna kolenge latches an o dji! Un denn garda, te krenn gar kowa, hoi jon krenna. Lengro djipen hi har i tchiklo ripen ap lende.

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”

Ruth 1:15

Koi penas i Naomi ap i Rut: “Dik, i Orpa djas pale pash peskre menshende un pash peskro debleste. Dja tu ninna pale lake palla!”

1. Samuel 16:5

“Awa”, penas lo. “Me hom kai, te anap o baro Debleske i vieches. Krenn kowa, hoi glan tchinlo hi, te wenn djudjo o Debleske! Un awenn mantsa, te chas mer o vieches, hoi anom o Debleske.” Un job kras ap o Isai un leskre tchawende kowa, hoi glan tchinlo hi, te wenn le djudjo o Debleske, un penas: “Awenn mantsa, te chas mer o vieches, hoi dau o Debleske.”

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”