1. Mose 35:16 - O Debleskro Drom 2021 (Sinte)

¹⁶ Pal kowa mukan le ko foro Betel un djan an o foro Efrata. Un ap o drom anas i Rachel i tchawes ap i phub. Un lat his bare duka.

O Debleskro Lab 2024 (Sinte-Manouche)

¹⁶ Pal kova moukan le ko foro Betel oun djan an o foro Efrata. Oun ap o drom anas i Rachel i čaves ap i phoub. Oun lat his bare douka.

1. Mose 35:16 ပူးပေါင်းရင်းမြစ်များ

1. Mose 3:16

Ap i romjate penas o Dewel: “Me kamau tuke phares te krell, te weh an wawar koowa. Dukentsa aneh tu tchawen ap i phub. Un tiro dji dell gole pal tiro romeste. Job hi pral tute o rai.”

1. Mose 35:19

Un i Rachel meras un was paskedo ap o drom pash o foro Efrata. Kowa hi kanna Betlehem.

1. Mose 48:7

Me krau kowa miri romjake Rachel, kai hi tiri dai. Joi meras an o them Kanaan, har wom dran Paddan. Homs ap o drom, i tikno kotar glan o foro Efrata. Un me paskrom lat kote pash o drom, hoi djal an Efrata. Kowa hi kanna Betlehem.”

2. Rajengro liil 5:19

O Elisa penas: “Dja o Debleha!” Un o Naaman kras pes ap o drom.

1. Familjakro liil 2:19

Un har i Asuba meras, las peske o Kaleb i Efrata, un joi anas leske o Hur ap i phub.

Debleskri gili 132:6

Har hams an Efrata, shunam kai o sonakaskro mochton hi, ko sikepen, kai o Dewel khere hi. Kowa hatsam mer pash o foro Jaar.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Mateo 2:18

Bari gole un bud ropen shunan le an o gab Rama. I Rachel rowella pral peskre tchawende, un kamell kekestar latche laba te shunell. Lakre tchawe hi buder gar koi.

1. Timoteo 2:15

I djuwel well sharedo, te lell li tchawen, un te patsell li ap o Jesuseste, un te hi lat o Debleskro kamlepen an lakro dji, un te djiwell li i djudjo djipen glan o Debleste un glan i menshende.

Ruth 1:2

Leskro lab his Elimelech. Un leskri romni kharas Naomi. Un leskre dui tchawe kharan Machlon un Kiljon. Un jon his dran i familja Efrat dran Betlehem an o them Juda. Un jon wan an o them Moab un atchan koi.

Ruth 4:11

Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!

1. Samuel 10:2

Tu te djah tuke kanna mandar, palle weh tu pash o gab Zelzach kote, kai i Rachel paskedo hi an o them Benjamin. Un kote wenna dui mursha ap o drom, kai tuke penenna: ‘Kol esle wan hatslo, kolen tu rodal. Kanna krell pes tiro dad daar tumenge un buder gar kol eslenge. Job putchell pes, kai nai hatsell lo peskro tchawes.’

1. Samuel 4:20

Un har joi ap o merepen tchiddo his, penan i djuwja, kai pashel tardo hi: “Ma dare, tut hi i mursh tchawo.” Joi penas tchi koi pre, un mukas kowa gar an peskro dji te djal.