1. Mose 34:30 - O Debleskro Drom 2021 (Sinte)

³⁰ Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

O Debleskro Lab 2024 (Sinte-Manouche)

³⁰ Koy penas o Yakob ap o Simeon oun ap o Levi: “T'mer anan bibarht oun ladj ap mande pash kolende, kay djivenn an kava them: pash i Kanaanitarya oun i Perisarya. Mer ham gar boud menshe. Te venn yon lauter khetne oun perenn pral mende, denn le men moulo. Oun me merau miri tseli familyah.”

1. Mose 34:30 ပူးပေါင်းရင်းမြစ်များ

1. Mose 12:12

Te dikenn tut kol Egiptarja, penenn jon: ‘Koja hi leskri romni.’ Palle denn le man temerl un tut mukenn le te djiwell.

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 12:6

Un job djas dureder an o them un was an o foro Sichem pash ko baro ruk ‘More’. An ko tsiro djiwan i Kanaanitarja an ko them.

1. Mose 13:7

Jaake tchingran pen o Abrameskre budepangre un o Loteskre budepangre, kai dan garda ap lengre viechende. An ko tsiro djiwan ninna i Kanaanitarja un i Perisarja an ko them.

1. Mose 34:2

Koi dikas lat o Sichem, koleskro dad o Hiwari Hamor his. O Hamor his o rai pral ko them. Un o Sichem tapras lat i sorjah un tchiwas pes pash late.

1. Mose 34:29

Lengro tselo brawlepen un lengre tsele tchawen un djuwjen lan le penge. Ninna tchoran le halauter, hoi an i khera his.

1. Mose 34:31

Penan kol dui ap leste: “Job las mari phenjat, har te wals joi i lubni. Un mer te kras tchi?”

1. Mose 46:26

I tsele tchawe un tchawengre tchawe o Jakobestar, kai leha an o them Egiptia djan, his 66 (shob-deesh-te-shob). Koi pashel wenna leskre tchawengre romja.

1. Mose 46:27

O Josefes his dui tchawe, kai an o them Egiptia bolde wan. Khetne lentsa his jon efta-desha menshe an o Jakobeskri familja, kai djan an o them Egiptia.

2. Samuel 10:6

Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

2. Samuel 16:21

Penas o Ahitofel: “Dja pash i djuwjende tiro dadestar, kolen tiro dad mukas koi, te denn jon garda ap ko kheer! Un sob lentsa! Jaake shunell o tselo Israel, kai tu tut pash tiro dadeste gar kamlo kral. Palle wenn lauter kolla, kai ap tiri rig hi, sorleder.”

1. Rajengro liil 11:25

Pal i tsiro was o Reson o baro rai pral o tselo them Syria. Un job hadas pes pral o Israel. Jaake rah har o Salomo djiwas, his o Reson jek, kai kras i Israelenge tchilatchepen, har ninna o Hadad kras.

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

1. Familjakro liil 16:12

Tumer, kai wenn pal o Israel, o Debleskro budepaskro, tumer tchawe o Jakobestar, koles job win rodas, ma bistrenn, hoi job lauter kras an peskri bari soor, kowa, hoi kek wawar nai kras! Ma bistrenn, har job o tchatchepen pral i menshende win rakras!

1. Familjakro liil 16:19

An ko tsiro his le gar bud, gar budeder har i wast pherdo, un his wi-themarja an o them.

1. Familjakro liil 19:6

Har o Hanun un kol Ammonarja dikan, kai kran le o Davides mulo chojedo, lan le jek sero zentnari rup, un bitchran kau rupeha murshen an i themma Mesopotamia un Syria, un kote an i tikne themma Maacha un Zoba, te ginenn le kote lurden un kurepangre wurdja un klissepangre.

1. Familjakro liil 2:7

O Karmi: Leskro tchawo his o Achan. Kowa anas Israel an i bibacht. Job rikras peske sawo koowa, hoi o baro Debleske his.

Debleskri gili 105:12

An ko tsiro his le gar bud, gar budeder har i wast pherdo, un his wi-themarja an o them.

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

Gosewe laba 11:17

Kowa, kai latcho ap o wawareste hi, krell peske kokres mishto. Kowa, kai o wawares dukrell, dukrell pes kokres.

Gosewe laba 11:29

Kowa, kai gar jak dell ap peskro kheer un ap peskri familja, pral koleste well i phurdepen, hoi lauter krik phurdell. Un ko dinelo well palle o budepaskro kolestar, koles i gosewo dji hi.

Gosewe laba 15:27

Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

5. Mose 4:17

i viecho ap o them, i tchirklo ap o bolepen,

5. Mose 4:27

O baro Dewel tradell tumen mank i menshende an i tsele themma, jekes kate un ko wawares kote. Gar bud menshe atchenn tumendar djido mank kol menshende an i wawar themma, kai o baro Dewel tumen tradas.

5. Mose 7:7

Kowa kras lo gar doleske, kai hans budeder har kol wawar. Na-a, tumer han i tikneder natsjona har kol wawar.

Josua 7:25

Un o Josua penas: “Jaake har tu men an i bibacht anal, jaake anell tut o baro Dewel kanna an i bibacht!” Un i tsele Israelitarja hadan barra pre un witsran len ap lende, te meran le. Un palle chatchran le len pre.

1. Samuel 13:4

Un i tsele Israelenge was penlo: “O Saul maras kol lurden i Filistarendar, kai jak dan. Un kanna hi len choli ap o tselo Israel.” Un i tsele Israelengre lurde wan khetne gole dino, te djan le an Gilgal pash o Saul.

1. Samuel 16:2

O Samuel penas: “Har nai krau kowa? Te shunell o Saul kowa, pale mukell job man te marell.” Koi pre penas o baro Dewel: “Le i terni grumni tuha, un pen ‘Me wom te anap kai grumni o baro Debleske!’

1. Samuel 27:1

O David penas peske an peskro dji: “Well ko diwes, kai perau o Sauleske an i wasta, un job dell man mulo! O feteder mange hi, te djap jaake sik har djala an o them Filistia. Palle mukell o Saul mandar tele, un rodell man buder gar an o tselo them Israel. Un job nai krell man tchi buder!”

1. Samuel 27:12

Un o Achish patsas o Davides, un penas peske: “Job kras pes pash peskre menshende Israel jaake khandles, te atchell lo hako tsireske miro budepaskro.”