1. Mose 34:19 - O Debleskro Drom 2021 (Sinte)

¹⁹ Un ko terno mursh Sichem nashras kek tsiro, te krell lo kowa. Job kamas koi tcha. Un leskre tsele menshe an leskro dadeskro kheer shunan ap leste.

O Debleskro Lab 2024 (Sinte-Manouche)

¹⁹ Oun ko terno morsh Sichem nashras kek tsiro, te krell lo kova. Yob kamas koy ča. Oun leskre tsele menshe an leskro dadeskro kheer shounan ap leste.

1. Mose 34:19 ပူးပေါင်းရင်းမြစ်များ

1. Mose 29:20

Jaake budras o Jakob efta bersha, te romedinerell lo i Rachel. Un kal bersha his an leskre jaka har i tikno tsiro, jaake bud kamas lo lat.

1. Mose 34:18

Hoi jon koi penan his mishto glan o Hamor un leskro tchawestar Sichem.

1. Mose 34:20

Un o Hamor un leskro tchawo Sichem djan an o baro wudar lengro forestar, te rakrenn le i murshentsa an ko foro un penan ap lende: “Kal mursha kamenn kek tchingepen mentsa. Doleske mu atchenn le an kau them, te djan le trujel parepaske. Hi doha platsa koi. Un mer kamah lengre tchen te romedinerell. Un mer dah len mare tchen.

1. Mose 41:20

Un kol sane djungele grumja chan kol efta thulle grumjen.

2. Rajengro liil 5:1

O baro rajes pral o them Syria his i pralstuno lurdo. Leskro lab his Naaman. Kowa his i tchatcho mursh an peskro rajeskre jaka un leske bud moldo. Har anas job i Syrarja an o kurepen, kras o baro Dewel, te wenn jon i sorleder. I sorelo kurepaskro his lo, un les his i djungelo nasslepen ap peskro mass.

1. Familjakro liil 4:9

Un o Jabez his an-dikleder har leskre phrala. Har lo boldo was, das les leskri dai ko lab Jabez, un penas: ‘Me anom les bud dukentsa ap i phub’.

Kamlepaskri gili 8:6

Tchin miro lab ap tiro dji! Muk man har i gustri ap tiro wast te well! Te kamenn pen dui, hi lengro kamlepen soreles har o merepen, un rikrell len pandles har o mulengro them. Len hi i dji jek o wawareske, hoi chatchell soreles har i jag o baro Deblestar.

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

Jesaja 62:4

Tu weh gar buder kharedo ‘muklo foro’ un tiro them ‘mulo them’. Tu weh gole dino ‘o Debleskri pirni’, un tiro them ‘bachteli romni’. O baro Dewel dikell latches ap tute, un romedinerell pes tiro themeha.

4. Mose 22:15

Koi bitchras o Balak budeder un an-dikleder pralstunen har kolla his, pash o Bileam.

Bičepangre 13:50

Koi djan i pralstune bibolde pash kol brawele djuwjende, kai lan i biboldengro patsepen an, ninna pash kol pralstunende an ko foro, rakran lentsa un kran, te wan le chojedo ap o Pauleste un ap o Barnabeste. Un khetne lentsa lan le len palla un tradan len dran ko foro win.

Bičepangre 17:12

Bud lendar wan patslo, ninna bud brawele griche, djuwja har mursha.

1. Samuel 22:14

O Ahimelech penas ap o baro rajeste: “Koon mank tire tsele budepangre hi jaake ap tiri rig har o David? Ninna hi lo tiri tchakro rom un o pralstuno pral tire feteder lurdende. Un job hi an-diklo an tiro tselo kheer.