1. Mose 34:14 - O Debleskro Drom 2021 (Sinte)

¹⁴ “Mer krah nai kowa gar, te das mari phenjat i romeste, kai gar tchinlo hi. Kowa wals menge i bari ladj.

O Debleskro Lab 2024 (Sinte-Manouche)

¹⁴ “Mer krah nay kova gar, te das mari phenyat i romeste, kay gar činlo hi. Kova vals menge i bari ladj.

1. Mose 34:14 ပူးပေါင်းရင်းမြစ်များ

1. Mose 17:11

Kowa hi o sikepen, kai han mire menshe.

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

1. Mose 34:13

Koi rakran o Jakobeskre tchawe chochepah kol dui murshentsa, o Sichem un leskro dadeha Hamor doleske, kai tapras o Sichem lengri phenjat i sorjah an. Un jon penan:

1. Mose 34:15

Te wenn tumer har mer, jaake te well hako mursh pash tumende tchinlo, palle krah mer, hoi tumer kamenna.

2. Samuel 1:20

Penenn kowa gar an ko foro Gat, un rakrenn gar koi pral ap i dromma an Ashkelon, te wenn gar bachtelo i djuwja an Filistia, te denn le gar gole i bachtjatar, kolla tcha kolendar, kai gar tchinle hi ap pengro mass!

2. Samuel 15:7

Pal star bersha penas o Absalom ap o baro rajeste: “Me kamau an o foro Hebron te djal, te dap o baro Debleste kowa, hoi dom man sowel, te dap les.

1. Rajengro liil 21:9

Un an i lila his tardo: “Kharenn i tsiro win, kai chan tumer tchi! Un anenn i tsele menshen an o foro khetne, un mukenn o Nabotes glanstunes te beshell!

Mateo 2:13

Un har jon penge djan, was o Debleskro bolepaskro pash o Josefeste an i suni, un penas ap leste: “Ste pre! Le o ternepas un leskri dat, un naash an o them Egiptia! O Herodes mukell o ternepas te rodell, te marell lo les. Atch koi, bis te penau me les tuke, te wess pale!”

Mateo 2:8

Un job penas lenge: Djan an o foro Betlehem un rodenn ko ternepen! Un te hatsan les, penenn les mange, te nai wap me ninna, te mangap les an.

Remarja 4:11

Tchinlo was o Abraham, te well diklo: Job hi tchatcho dran o patsepen, hoi glan kau tsiro an leste his. Doleske was lo kharedo: O dad lauterendar, kai patsenn ap o Debleste, ninna te hi le gar ap o mass tchinlo. Lengro patsepen tchiwell len an o tchatchepen.

Čačepangre 14:3

Kote penas leskro dad un leskri dai ap leste: “Hi mank tire tsele menshende kek tchai tuke? Hatseh kek romni mank i tsele Israelitarja, te hunte djas tu pash i Filistarja, un less tuke i romni kolendar, kai gar tchinlo hi ap pengro mass?” O Simson penas ap peskro dad: “Koja le mange! Joi hi i shukar an mire jaka.”

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:36

Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”