1. Mose 33:5 - O Debleskro Drom 2021 (Sinte)

⁵ Un o Esau dikas pre un dikas i djuwjen i tchawentsa un putchas lestar: “Koon hi kolla, kai pash tute hi?” Penas o Jakob: “Miro Rai, kalla hi mire tchawe. O Dewel his mange jaake latcho, kai das lo man kal tchawe.”

O Debleskro Lab 2024 (Sinte-Manouche)

⁵ Oun o Esau dikas pre oun dikas i djouvyen i čaventsa oun poučas lestar: “Koon hi kolla, kay pash toute hi?” Penas o Yakob: “Miro Ray, kalla hi mire čave. O Devel his mange yaake lačo, kay das lo man kal čave.”

1. Mose 33:5 ပူးပေါင်းရင်းမြစ်များ

1. Mose 30:2

Koi las o Jakob i bari choli ap i Rachel un penas: “Hom me o Dewel, te nai dap tut tchawe!”

1. Mose 33:6

Kanna wan kol dui budepangre pengre tchawentsa glan un tchiwan pen tele glan o Esau.

1. Mose 48:9

Un o Josef penas peskro dadeske: “Kolla hi mire tchawe, kai o Dewel das man kai.” “An len pash mande”, penas o Jakob, “te rakrap o Debleskri bacht pral lende win.”

1. Familjakro liil 28:5

Un o baro Dewel das man bud tchawe. Mank lende rodas job miro tchawes, o Salomo win. Koleste das o baro Dewel peskro tchatcho wast, te well job baro rai pral Israel.

Debleskri gili 127:3

Tumare tchawen das o baro Dewel tumende. Hi i kutch koowa, te nai lell jek tchawe.

Jesaja 8:18

Me un kol tchawen, kai o baro Dewel man das, ham har i sikepen, hoi sikrell, hoi kamell o baro Dewel te krell an Israel, job, ko rai pral o bolepen un i phub, kai hi khere ap i berga Zion.

Hebrearja 2:13

Un pale penell lo: Me tchiwau man an o Debleskre wasta. Un pale penell lo: Dik, kate hom me kal tchawentsa, kai o Dewel das man.

Ruth 4:13

Jaake las o Boas i Rut, un joi was leskri romni. Un o baro Dewel das, te was li wawartchandes, un las i mursh tchawes.

1. Samuel 1:27

Kau tchawes mangom mange o baro Deblestar. Un job shunas man un das les mande.