1. Mose 33:4 - O Debleskro Drom 2021 (Sinte)

⁴ Koi nashas o Esau pash leste, las les trul i meen un tchumras les. Un hake dui rowan.

O Debleskro Lab 2024 (Sinte-Manouche)

⁴ Koy nashas o Esau pash leste, las les troul i meen oun čoumras les. Oun hake douy rovan.

1. Mose 33:4 ပူးပေါင်းရင်းမြစ်များ

1. Mose 29:11

Un o Jakob tchumras i Rachel un rowas soreles, kai lauter kowa shunan.

1. Mose 29:13

Har o Laban shunas, kai was peskri phenjakro tchawo, o Jakob, nashas lo pash leste, tchiwas peskre mussja trul leste, tchumras les un anas les an peskro kheer. Un o Jakob penas o Labaneske halauter, hoi djas.

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 43:30

Har o Josef peskro phrales dikas, his leske ropaske. Un job djas sik an peskri isema un rowas koi.

1. Mose 43:34

O Josef mukas leskro chapastar peskre phralenge te anell. Un ko chapen, hoi mukas job o Benjamineske te anell, his pantch kope jaake bud, har o chapen leskre wawar phralenge. Un jon chan un pijan un wan bachtelo leha.

1. Mose 45:2

Un job rowas soreles. Un i Egiptarja shunan kowa, ninna i menshe an o kheer o baro rajestar.

1. Mose 46:29

Har jon an o them Gosen wan, pandas o Josef i graja glan peskro wurdin un uleras an o them Gosen pash peskro dadeste Israel. Har o Josef les dikas, tchiwas job peskre mussja trul leste, un rowas ap leskro betch un nai heras gar pre.

2. Samuel 14:33

Un o Joab djas dren pash o baro rajeste, un penas leske kowa. Un job das o Absalomes gole, te well job dren pash o baro rajeste. Un o Absalom tchiwas pes glan o baro rajeste tele ap peskro mui. Un o baro rai tchumras o Absalomes.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Hiob 2:12

Har dikan le les fun dural, prindjran le les gar buder pale. Un jon rowan phares. Un sorjah tserdas hakeno lendar peskre koola pestar tele, un kras len paash. Un jon witsran tchik pre un ap pengre sherja.

Debleskri gili 34:4

Giwenn mantsa gilja o baro Debleske! Krenn leskro lab mantsa khetne baro!

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Louka 15:20

Un job stas pre, un djas pash peskro dadeste pale. Har leskro dad les dural dikas, khaitas o tchawo les. Un o dad nashas pash leste, tapras les trujel, un tchumras les.

Bičepangre 20:37

Koi rowan le lauter soreles, tapran les trujel un tchumran les.

1. Samuel 20:41

Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.