1. Mose 32:9 - O Debleskro Drom 2021 (Sinte)

⁹ Job penas peske: “Te well o Esau un dell kolen ap koi jek rig mulo, nashenn nai kolla ap koi wawar rig.”

O Debleskro Lab 2024 (Sinte-Manouche)

⁹ Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

1. Mose 32:9 ပူးပေါင်းရင်းမြစ်များ

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Mose 31:13

Me hom o Dewel, kai mukas pes tutar te dikell an o foro Betel, kai tchiwal mange i bar pre, tchoral djet koi pre un dal tut sowel ap mande. Kanna ste pre, dja dran kau them! Un dja khere an ko them tire menshendar!’”

1. Mose 31:29

Kowa hi an miro wast, te krap tuke tchilatchepen. Krau kowa gar. O Dewel tumaro dadestar rakras mantsa taissar rati un penas ap mande: ‘Kre o Jakobes kek tchilatchepen un de jak ap tire laba, hoi rakreh o Jakobeha!’

1. Mose 31:3

Un o baro Dewel penas ap o Jakobeste: “Dja khere an tiro dadeskro them pash tire menshende! Me hom pash tute.”

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 31:53

Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

1. Mose 32:8

Koi trashas o Jakob. Un les his bari daar. Un job bitchras i paash leskre budepangrendar, leskre bakrendar, grumjendar un khamele ap jek rig. Un koi wawar paash bitchras lo ap i wawar rig.

1. Mose 49:25

Tiro dadeskro Dewel well ap tiri rig. Job hi o sorelo Dewel. Job dell tut brishin dran o bolepen un pani dran i phub, ninna bud tchawe un vieche.

2. Familjakro liil 20:12

Maro Dewel, kameh len gar pengri phagi te dell? An mende hi kek soor, te dikah har bud jon hi, kai kamenn pen mentsa te kurell. Un mer djinah gar, hoi te kras; doleske dikenn mare jaka ap tute.”

2. Familjakro liil 20:6

Un job penas: “Baro Dewel, tu Dewel mare phurendar, tu hal o Dewel an o bolepen un o rai pral i tsele raja un lengre themma ap kai phub. Un an tiro wast hi i soor un o penepaske pral halauter, un kote hi kek, kai nai well sorleder har tu.

2. Familjakro liil 32:20

Un o baro rai, o Hiskija, un o Debleskro rakepaskro, o Jesaja, koleskro dad o Amoz his, dan gole ap o baro Debleste an o bolepen, te well lo lenge ap i rig.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

Jeremia 32:16

Un har dom me ko liil o Barucheste, koleskro dad o Nerija his, rakrom o baro Debleha un penom:

1. Samuel 30:6

Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.