1. Mose 32:7 - O Debleskro Drom 2021 (Sinte)

⁷ I mursha wan pale pash o Jakobeste un penan ap leste: “Mer hams pash tiro phraleste Esau. Job hi ap o drom te well lo pash tute. Star-sheel mursha hi pash leste.”

O Debleskro Lab 2024 (Sinte-Manouche)

⁷ I morsha van pale pash o Yakobeste oun penan ap leste: “Mer hams pash tiro phraleste Esau. Yob hi ap o drom te vell lo pash toute. Star-sheel morsha hi pash leste.”

1. Mose 32:7 ပူးပေါင်းရင်းမြစ်များ

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 32:8

Koi trashas o Jakob. Un les his bari daar. Un job bitchras i paash leskre budepangrendar, leskre bakrendar, grumjendar un khamele ap jek rig. Un koi wawar paash bitchras lo ap i wawar rig.

1. Mose 33:1

Un o Jakob dikas dur glan peste un dikas, kai was o Esau pash leste. Khetne leha wan star sheel mursha. Koi tchiwas o Jakob peskre tchawen pash lengre dajende: pash i Lea, pash i Rachel un pash kol dui budepangre.

1. Mose 35:3

Awenn, djas an o foro Betel. Kote krau i chatchepaskri o Debleske, kai shunas man ap ko diwes, kai an i bibacht homs. Ko Dewel his pash mande ap miro drom bis kanna.”

Debleskri gili 107:6

Har lenge jaake djungeles djas, dan le gole ap o baro Debleste. Un job las len win dran lengri daar.

Debleskri gili 112:5

Mishto djal koleske, kai krell peskro dji pre, un patsell i wawaren win, un krell peskro koowa jaake har tchatcho hi.

Debleskri gili 142:4

Har djinom buder gar, hoi te krap, djinal tu, har mantsa dureder djal. Ap ko drom, hoi me hunte djom, tchiwan le dorja win, te perap dren.

Debleskri gili 31:13

Bud bistran man, har te woms mulo un paskedo. Lenge hom har i phagedo tcharo, hoi krik witsedo was.

Debleskri gili 61:2

Shun, miro Dewel! Shun miri gole! Shun, har me tut mangau!

2. Mose 14:10

Har i Israelitarja pre dikan, un dikan, te lell len o Farao peskre lurdentsa palla, was i bari traash pral lende. Un jon dan ap o baro Debleste gole.

Gosewe laba 2:11

Un tu deh jak, har te djiwess, un djineh, hoi mishto hi,

Jesaja 28:26

Un har job kowa hunte krell, sikras les o Dewel, kowa hoi job djinell, well lestar.

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

2. Korintarja 1:4

Ninna te well bud pharo koowa ap mende, hi lo pash mende un krell mare djia soreles, te penas mer kolenge latche laba, ap kolende ninna pharo koowa wella, te wenn jon pale soreles, jaake har kras o Dewel mare djia soreles.

2. Timoteo 3:12

Djiness, lauter kolla, kai patsenn ap o Jesus Kristeste un kamenn te krenn, hoi job kamella, wenn palla lino.