1. Mose 32:28 - O Debleskro Drom 2021 (Sinte)

²⁸ Koi putchas lestar ko mursh: “Har khareh tu?” “Jakob”, penas job.

O Debleskro Lab 2024 (Sinte-Manouche)

²⁸ Koy poučas lestar ko morsh: “Har khareh tou?” “Yakob”, penas yob.

1. Mose 32:28 ပူးပေါင်းရင်းမြစ်များ

1. Mose 17:15

Un o Dewel penas pale ap o Abrahameste: “Tu peness buder gar Sarai ap tiri romjate. Lakro lab well kanna Sara.

1. Mose 17:5

Doleske kharess tu buder gar ‘Abram’. Kanna well tiro lab ‘Abraham’. Me krau te wess o dad bud natsjonendar.

1. Mose 25:31

Penas o Jakob ap leste: “Tu hal o phureder tchawo un leh halauter, hoi o phureder tchawo lella. Kanna de tiro wast pre, kai me hom har o phureder, un kowa lauter lella, hoi o phureder tchawo lella.”

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

1. Mose 32:24

Pal lende anas lo lauter, hoi les his, ap i wawar rig.

1. Mose 32:27

Koi penas o mursh: “Muk man te djal, o diwes wella.” Penas o Jakob: “Me mukau tut gar te djal, bis te tu rakral o Debleskri bacht pral mande win.”

1. Mose 33:20

Kote kras o Jakob i chatchepaskri o Debleske, te wenn vieche leske chatchedo, un das koi chatchepaskri ko lab ‘O Dewel hi o Israeleskro Dewel’.

1. Mose 33:4

Koi nashas o Esau pash leste, las les trul i meen un tchumras les. Un hake dui rowan.

1. Mose 35:10

Un penas: “Tu khareh Jakob. Kanna khareh tu buder gar Jakob. Kanna well tiro lab Israel.” Jaake las o Jakob ko lab Israel.

2. Samuel 12:25

un mukas peskro rakepaskro Natan o Davideske kowa te penell. Doleske das o Natan les ko lab Jedidja. Kowa kharell: O baro Dewel kamell les.

1. Rajengro liil 18:31

las deesh-te-dui barra, jek bar hako tchaweske o Jakobestar. Ap koleste penas o baro Dewel glan i rah tsiro: “Tiro lab well kanna Israel.”

2. Rajengro liil 17:34

Gomme kau diwes djiwenn le jaake har lengre phure djiwan. Jon darenn gar o baro Deblestar, un krenn gar, hoi lo lendar kamell, djiwenn gar pal leskro tchatchepen, djan gar ap leskro drom un rikrenn pen gar ap leskre laba, hoi das o baro Dewel kol menshende, kai wenn pal o Jakob, koles job ninna Israel kharas.

1. Familjakro liil 1:34

O Abraham: Leskro tchawo his o Isaak. Koleskre tchawe his o Esau un o Jakob (Israel).

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 65:15

Pash mire wi-rodede menshe hi tumare laba sawe laba, kolentsa jon i bibacht pral jekeste win rakrenn, un penenn: “O baro Dewel maro rai, mu dell tut mulo har kales un koles.” Lengre budepangren dell job i newo lab.

4. Mose 13:16

Kalla hi i laba kol murshendar, kolen o Mose bitchras, te hatsenn le win, har ko them hi. Un o Mose das o Hoshea o lab Josua. Koleskro dad his o Nun.

Johanni 1:42

Un o Andreas anas peskro phrales pash o Jesuseste. Har o Jesus koles dikas, penas lo: “Tu hal o Simon, ko Johanneskro tchawo. Tu khareh kanna Kefas.” Ko kharella baro bar.

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

1. Samuel 26:25

Un o Saul penas ap o David: “Debleskri bacht well ap tute, miro tchawo David! Tuke djal lauter mishto, hoi kreh!” Un o David djas peskro drom. Un o Saul djas pale khere.