1. Mose 32:24 - O Debleskro Drom 2021 (Sinte)

²⁴ Pal lende anas lo lauter, hoi les his, ap i wawar rig.

O Debleskro Lab 2024 (Sinte-Manouche)

²⁴ Pal lende anas lo lauter, hoy les his, ap i vavar rig.

1. Mose 32:24 ပူးပေါင်းရင်းမြစ်များ

1. Mose 18:2

Ap jek kopo dikas job triin murshen. Kolla his i kotar glan leste tardo. Har job len dikas, stas lo pre, nashas pash lende un mukas pes glan lende ap i phub te perell.

1. Mose 30:8

Koi penas i Rachel: “Man his i baro kurepen miri phenjah un homs sorleder har joi.” Un joi das les ko lab Naftali.

1. Mose 32:23

Mashkral an i rati stas o Jakob pre, las peskre dui romjen, i Rachel un i Lea, un leskre dui wawar romjen, un leskre deesh-te-jek mursh tchawen, un djas lentsa wergel ko pani, hoi kharella ‘Jabbok’.

1. Mose 32:25

Job kokres atchas pale. Un i mursh kuras pes leha i tseli rat.

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 32:30

Penas o Jakob ap leste: “Kanna pen mange tiro lab!” Penas job: “Hoske putcheh pal miro lab?” Un job penas ‘Atch o Debleha!’ ap o Jakobeste.

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

2. Mose 14:27

Kote hadas o Mose peskro wast pral o baro pani. Un har o kham pre djas, was o pani pale un peras ap kol Egiptarja, kai ap o naashepen his. Jaake tradas len o baro Dewel mashkral an o baro pani.

Kamlepaskri gili 2:17

O diwes te well shila, un o kham djal tele, ab pash mande, miro pirno! Ab sik har i wesheskri busni, har i terno tserfo ap i barrengre berge!

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Daniel 10:8

Un me atchom kokres koi, un dikom ko baro dikepen. Un i tseli soor an mande djas krik; miro mui was parno, un kek soor his buder an mande.

Louka 13:24

Un o Jesus penas pale: “Krenn lauter, te djan an ko tikno wudar dren! Me penau tumenge: Bud kamenn an ko wudar dren te djal. Un haiwenn kowa gar.

Louka 22:44

Un o Jesus mangas o Debles sorleder, un rat nashas leskro sherestar tele ap i phub, jaake soreles was i daar ap leste.

Remarja 15:30

Mire phrala, mangau tumendar an o lab maro rajestar o Jesus Kristestar, un an o kamlepen, hoi o Debleskro Ducho men das: Mangenn mantsa khetne o Debles o tselo djijeha,

1. Korintarja 15:47

O ersto mensho was i phubjatar un dran tchik kerdo. O duito mensho, o Jesus Kristo, was dran o bolepen.

Efesarja 6:12

Mer kurah men gar i menshentsa. Na-a, tchilatche sorja hi mashkral o bolepen un i phub, kai wenna o bengestar. Kolen hi penepaske an kau tchilatcho tsiro. Kolentsa kurah men.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Kolossarja 2:1

Me kamau, te djinenn tumer, har me marau man tele tumenge un kol patslenge an o foro Laodicea, ninna kolenge, kai prindjrenn man gar.

Kolossarja 4:12

Ninna o Epafras penell tumenge: “Atchenn o Debleha!” Kowa hi jek tumendar, un budrell o Jesus Kristeske. Job mangell o Debles hako tsiro tumenge, te wenn tumer soreles an o patsepen, te djinenn lauter, hoi o Dewel tumendar kamella un te krenn kowa ninna.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”