1. Mose 32:20 - O Debleskro Drom 2021 (Sinte)

²⁰ Ap o duito budepaskro, ap o triinto un ap i tsele wawarende, kai djan pal i viechende, penas o Jakob: “Te dikenn o Esaes, penenn kal laba ap leste!

O Debleskro Lab 2024 (Sinte-Manouche)

²⁰ Ap o douyto boudepaskro, ap o triinto oun ap i tsele vavarende, kay djan pal i firhende, penas o Yakob: “Te dikenn o Esaes, penenn kal laba ap leste!

1. Mose 32:20 ပူးပေါင်းရင်းမြစ်များ

1. Mose 32:19

Peness: ‘Jon hi tiro budepaskres Jakob. Job anell len tuke, leskro rajeske. Tiro budepaskro Jakob well pal mende.’”

1. Mose 32:21

Bistrenn gar te penenn leske kowa: ‘Dik, tiro budepaskro Jakob well pal mende.’” O Jakob penas peske: “Kamau, te bistrell o Esau peskri choli ap mande. Te dikell lo kowa, hoi me les dau, nashte well, kai lell man lo latches pre.”

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

1. Rajengro liil 20:31

Kote rakran leskre bare mursha leha un penan: “Dik, mer shunam, kai i bare raja dran o kheer Israel latche raja hi. Muk men win te djal pash o rajeste pral Israel, i goneha trul mende pandlo, un i dori trul mari meen, te sikras mer leste, te hi lo maro rai. Jaake kamah lestar tiro djipaske te mangell.”

Gosewe laba 15:18

I mursh an koleste choli hi, anell tchingepen. Jek, kai gar sik chojedo well, kowa lell i jag dran o tchingepen.

Gosewe laba 16:14

I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Gosewe laba 18:16

I mensho, kai i wawaren shukar koowa dell, krell peske i wudja pre pash i pralstunende.

Gosewe laba 21:14

Te hi jek chojedo ap tute, un tu deh les tchomone khatedo, kreh tu jaake, te djal leskri bari choli pale.

Gosewe laba 6:35

Job lell kek lowe, har bud les ninna kameh te dell, tchi nai deh, hoi les nai pale rikrell.

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

2. Timoteo 2:25

ninna te kamenn le gar ap leste te shunell. Job rakrell latches lentsa, te anell lo len ap o tchatcho drom! O Dewel nai dell len o dji, te mukenn le pengro tchilatcho drom, un te haiwenn le, hoi o tchatchepen hi.