1. Mose 32:10 - O Debleskro Drom 2021 (Sinte)

¹⁰ Un o Jakob penas ap o Debleste: “Tu, o Dewel miro papestar Abraham un miro dadestar Isaak, tu hal o baro Dewel, kai penal ap mande: ‘Dja pale an tiro them un pash tire menshende. Me krau tuke latchepen.’

O Debleskro Lab 2024 (Sinte-Manouche)

¹⁰ Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

1. Mose 32:10 ပူးပေါင်းရင်းမြစ်များ

1. Mose 18:27

Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

1. Mose 24:12

Un job penas: “Baro Dewel, o Dewel miro rajestar Abraham, de man kanna bacht ap miro drom! Un ab miro rajeske Abraham latcho!

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 28:15

Tu djiness, me hom tuha un dau garda ap tute, kote, kai tu djah. Un anau tut pale an kau them. Me mukau tut gar, bis te krom halauter, hoi tuke penom.”

1. Mose 30:43

Jaake was o Jakob hako diwes brawleder. Un les his bud vieche un budepangre: djuwja un mursha. Ninna bud khamele un burike his les.

1. Mose 31:3

Un o baro Dewel penas ap o Jakobeste: “Dja khere an tiro dadeskro them pash tire menshende! Me hom pash tute.”

1. Mose 32:5

Ap lende penas job: Penenn miro rajeske Esau: “Jaake penell tiro budepaskro Jakob: ‘Me homs o tselo tsiro pash o Laban un wau kanna pale.

1. Mose 32:7

I mursha wan pale pash o Jakobeste un penan ap leste: “Mer hams pash tiro phraleste Esau. Job hi ap o drom te well lo pash tute. Star-sheel mursha hi pash leste.”

2. Samuel 17:24

Un o David was an o foro Mahanajim. O Absalom djas wergel o pani Jordan, un kol tsele mursha dran Israel djan leha.

2. Samuel 7:18

djas o baro rai David an o Debleskro plachteno kheer, tchiwas pes tele glan o baro Debleste un penas: “Baro Dewel, miro rai, koon hom me, un hoi hi miro kheer, kai tu kral jaake bud mange?

Hiob 17:9

Jek, kai an o tchatchepen tardo hi, mukell gar tele peskro dromestar. Un koon i djudjo djipen djiwell, well sorleder un sorleder.”

Hiob 8:7

Kowa, hoi tut glan kowa his, well tuke tiknes glan, te dikeh ko baro brawlepen, hoi dell tut o Dewel an ko tsiro, hoi wella.

Debleskri gili 16:2

Me penom ap o baro Debleste: Tu hal miro rai. Hako latcho koowa, hoi man hi, well tutar.

Debleskri gili 18:35

Job sikrell man, har mire wasta hunte kurenn pen, un har miri mussi rikrell o sasterno bogo.

Debleskri gili 61:7

De o baro rajes i rah djipen, de les bud bersha, te djiwell lo gomme i rah tsiro.

Debleskri gili 8:5

palle putchau mandar: Hoi hi o mensho? Hoske well lo tuke an o shero? Hi lo tuke jaake kutch, te weh ap leskri rig?

Debleskri gili 84:7

Te djan le an o tato them, nashell kote pani lenge win. Un o brishin mukell lauter senelo un baro te well.

Debleskri gili 85:10

Tchatchepah, job hi ap kolengri rig, kai leha djiwenna un ap leste shunenna. Un leskro railepen atchell an maro them.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Louka 17:10

Jaake hi kowa ninna tumentsa. Te kran tumer lauter, hoi o Dewel tumenge penas, palle penenn: Mer ham tire budepangre. Mer kram, hoi hunte kram.”

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”

2. Korintarja 12:11

Tumer kran, te rakrom har i dinelo. Me hunte sharoms man gar. Na-a, tumer hunte sharans man. Ninna te woms me tchi, woms me jaake bud moldo har kol bare rakepangre pash tumende, kai penenn, te hi le bitchedo o Jesus Kristestar.

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.