1. Mose 31:53 - O Debleskro Drom 2021 (Sinte)

⁵³ Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

O Debleskro Lab 2024 (Sinte-Manouche)

⁵³ Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

1. Mose 31:53 ပူးပေါင်းရင်းမြစ်များ

1. Mose 11:31

Un o Terach las peskro tchawes Abram peha un o Lot, ko tchawo peskro tchawestar Haran, un i Sarai, koi romni peskro tchawestar Abram. Un khetne mukan le ko foro Ur, hoi an o them Kaldea tchiddo hi, te djan le an o them Kanaan. Un jon wan pash o foro Haran un atchan kote.

1. Mose 14:22

Koi penas o Abram ap leste: “Me dau man sowel glan o baro Debleste, kai hi o Dewel pral halauter, un kras o bolepen un i phub:

1. Mose 16:5

Koi penas i Sarai ap o Abram: “Kai bibacht, hoi man hi, hi tiri doosh. Me dom tut miri budepaskretsa, te well li tiri romni. Kanna, kai joi haiwella, kai well li dai, hom me buder tchi moldo an lakre jaka. O baro Dewel mu well miro tchatchepaskro rai.”

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 31:52

Kol barra penenn mange un tuke, te djap gar ap tiri rig un tu gar ap miri rig, te krell kek o wawareske tchilatchepen.

1. Mose 47:31

“De tut sowel!” penas o Jakob. Un job das pes sowel. Un o Israel parkras pes glan leste ap peskro tchiben.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

5. Mose 6:13

Tu mangess o baro Debles an, un rikress les glan tire jaka pash halauter, hoi kreh. Te deh tut sowel, dess tiri sowel pash leskro lab.

Josua 24:2

Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

Čačepangre 11:27

Na-a, me krom kek tchilatchepen ap tute. Tu kameh mange tchilatchepen. Tu weh te maras men! O baro Dewel, kai o tchatchepaskro rai hi, kau diwes mu krell lo o tchatchepen mank mende win, mank o Israel un i Ammonarja!”

1. Samuel 20:23

Mangau tut, ma biste kowa, hoi mer dui khetne win kram. Mu krell o baro Dewel, te rikras mer men hake dui ap kol lab kanna un hako tsiro!”

1. Samuel 24:12

Miro dad, dik kau kotar dran tiri baja an miro wast! Me tchinom les dran tiri baja tele, un dom tut gar mulo. Ap kowa nai dikeh un haiweh, te hom kek phukepaskro un kamau tut kek tchilatchepen te krell. Tu leh man palla te dess man mulo, ninna te krom tuke tchi.