1. Mose 31:49 - O Debleskro Drom 2021 (Sinte)

⁴⁹ Doleske wenn le ‘Gal-Ed’ kharedo, ninna ‘Mizpa’. O Laban penas: “O baro Dewel mu dell jak, te rikras men ap kowa an ko tsiro, kai wella, kai ham buder gar khetne.

O Debleskro Lab 2024 (Sinte-Manouche)

⁴⁹ Doleske venn le Gal-Ed kharedo, ninna Mispa. O Laban penas: “O baro Devel mou dell yak, te rikras men ap kova an ko tsiro, kay vella, kay ham bouder gar khetne.

1. Mose 31:49 ပူးပေါင်းရင်းမြစ်များ

1. Rajengro liil 15:22

O baro rai Asa mukas an o tselo them Juda win gole te dell, te well hakeno an o foro Rama, – kek nai atchas khere – te hidjrenn le kol barra un ko kasht krik, hoi o Baasha kote khetne anas, te krell lo o foro sorleder. Un kal barrentsa un kau kashteha mukas o baro rai Asa kol forja Mizpa un Geba sorleder te krell. O foro Geba hi an o them Benjamin.

Hosea 5:1

Tumer rashaja, shunenn kowa! Un denn garda, tumer dran o kheer Israel! Ninna tumer dran o baro rajeskro kheer, shunenn kal laba! Tumer hunte dans jak, te well o tchatchepen kerdo. Un tumer anan i menshen jaake dur, te mangenn le chochene deblen an. Lenge wan tumer har pandle dorja, hoi jek win tchiwas an o foro Mizpa, un har i netsa, koleha jek tchirklen taprell ap i berga Tabor.

Čačepangre 10:17

Un i Ammonarja wan khetne gole dino, un tchiwan pengre plachtene khera pre pash o foro Gilead. Un i Israelitarja wan khetne pash Mizpa.

Čačepangre 11:11

Kote djas o Jefta i phurentsa, kai wan dran Gilead. Un i tsele menshe tchiwan les pral pende, te well lo lengro rai un pralstuno. Un kote an o foro Mizpa penas o Jefta lenge glan o baro Debleste, hoi job un i pralstune win kran.

Čačepangre 11:29

Kote was o ducho o baro Deblestar pral o Jefta. Un job djas an o tselo them Gilead un Manasse trujel un was pale an o foro Mizpe an Gilead. Un kotar djas lo an o kurepen, te kurell lo pes i lurdentsa dran o them Ammon.

1. Samuel 20:23

Mangau tut, ma biste kowa, hoi mer dui khetne win kram. Mu krell o baro Dewel, te rikras mer men hake dui ap kol lab kanna un hako tsiro!”