1. Mose 31:48 - O Debleskro Drom 2021 (Sinte)

⁴⁸ Un o Laban penas: “Tchatchepah, kol barra hi i sikepen un sikrenn mande un tute, kai dam men mer sowel kai.”

O Debleskro Lab 2024 (Sinte-Manouche)

⁴⁸ Oun o Laban penas: “Čačepah, kol barra hi i sikepen oun sikrenn mande oun toute, kay dam men mer sovel kay.”

1. Mose 31:48 ပူးပေါင်းရင်းမြစ်များ

Josua 24:27

Un o Josua penas ap i tsele menshende: “Dikenn kau bar! Kawa shunas hako lab, hoi o baro Dewel mentsa rakras. Kau bar hi kate tardo, te dell lo tumen trad, te mukenn gar tumaro Debles.”

5. Mose 3:16

Un i menshenge dran i familja Ruben un dran i familja Gad dom me ko kotar them tchatches o themestar Gilead bis pash o lengsto pani Arnon – bis mashkral an kau pani. Ap koi rig, kai o kham pre djal, djas lengro them bis pash o lengsto pani Jabbok. Ap leskri wawar rig hi o them Ammon.

5. Mose 2:36

Maro baro Dewel das i tsele forja an mare wasta: ko foro Aroer, hoi pash o lengsto pani Arnon tchiddo hi, un ko foro hoi tella an o panjeskri tala tchiddo hi, un i tsele forja bis pash o them Gilead. Kek foro his koi, hoi sorleder his har mer.

1. Mose 31:23

Un o Laban las peskre phralen peha. Un khetne lan le o Jakobes palla efta diwessa un hatsan les ap i berge Gilead.

1. Mose 21:30

O Abraham penas: “Kol efta terne bakre less tu mandar. Jaake sikreh, kai me koi brunna krom, un koja miro hi.”

Josua 22:27

na-a, kau altaro te well i sikepen, hoi sikrell mende un tumende un mare tchawende, kai pal mende wenna, te nai wah mer glan o baro Debleskro kheer, te anas leske djob un viechen, sawe, hoi wenn leske chatchedo un sawe, hoi chah glan leste. Mer kamah gar, te penenn tumare tchawe an ko tsiro, hoi wella, ap mare tchawende: ‘Tumer han gar o baro Debleskre menshe.’

Josua 22:28

Un mer penam menge: Te rakrens le jaake ap mende un ap mare tchawende, palle nai penah mer: ‘Dikenn kau altaro o baro Deblestar! Mare phure kran les, te sikrenn le, te ham mer ninna o baro Debleskre menshe. Jon kran les gar, te wenn ap leste vieche chatchedo, witar gar te chas mer kate khetne glan o Debleste.’

Josua 22:34

Un i menshe dran i khera Ruben un Gad dan pengro altaro o lab ‘i sikepen menge halauterenge, te hi o baro Dewel o tchatcho Dewel’.

Čačepangre 10:3

Un pal leste stas o Jair pre. Kowa hi i menshendar Gilead. Un job his 22 (biish-te-dui) bersha o tchatchepaskro rai pral o Israel.