1. Mose 31:32 - O Debleskro Drom 2021 (Sinte)

³² Tire deblen lom me gar. Pash koneste tu len hatseh, kowa hunte merella! Glan mare menshende nai rodeh pash mande! Te hatseh tchomone, hoi tiro hi, le kowa!” O Jakob djinas gar, kai i Rachel tchoras kol deblen.

O Debleskro Lab 2024 (Sinte-Manouche)

³² Tire deblen lom me gar. Pash koneste tou len hatseh, kova hounte merella! Glan mare menshende nay rodeh pash mande! Te hatseh čomone, hoy tiro hi, le kova!” O Yakob djinas gar, kay i Rachel čoras kol deblen.

1. Mose 31:32 ပူးပေါင်းရင်းမြစ်များ

1. Mose 13:8

Koi penas o Abram ap o Lot: “Me kamau kek tchingepen mank mende, witar gar mank tire budepangre un mire budepangre. Mer ham phrala.

1. Mose 19:7

Un penas: “Kamle mala, ma krenn lentsa sawo djungelo koowa!

1. Mose 30:33

Hake busja, kai hi len kek parne balla, hi tire, ninna hake parne bakre. Te chochau tut, dikeh tu kowa sik an ko tsiro, kai wella. Te hatseh tu mank mire viechende busja, kai hi len kek parne balla, ninna parne bakre, kolla hi, har te tchoroms len tutar.”

1. Mose 31:19

Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.

1. Mose 31:23

Un o Laban las peskre phralen peha. Un khetne lan le o Jakobes palla efta diwessa un hatsan les ap i berge Gilead.

1. Mose 31:30

Me djinau, tiro dji hi pash tire menshende. Doleske djal tuke. Pen mange, hoske tchoral mire deblen, kolen me an-mangau?”

1. Mose 31:31

“Tchatchepah”, penas o Jakob ap o Labaneste, “man his traash, te less tire tchen mandar krik.

1. Mose 31:33

Jaake djas o Laban an i plachtene khera, kai djiwas o Jakob, i Lea, ninna kol dui budepangre leskre tchendar un hatsas tchi. Palle djas job win dran i Leakro plachteno kheer un djas an o plachteno kheer, kai i Rachel djiwas.