1. Mose 31:25 - O Debleskro Drom 2021 (Sinte)

²⁵ Un o Laban was pash o Jakobeste ap kol berge, kai job peskro plachteno kheer pre tchiwas. Un ninna o Laban peskre phralentsa tchiwas peskro plachteno kheer pre ap kol berge Gilead.

O Debleskro Lab 2024 (Sinte-Manouche)

²⁵ Oun o Laban vas pash o Yakobeste ap kol berge, kay yob peskro plarhteno kheer pre čivas. Oun ninna o Laban peskre phralentsa čivas peskro plarhteno kheer pre ap kol berge Gilead.

1. Mose 31:25 ပူးပေါင်းရင်းမြစ်များ

1. Mose 12:8

Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

1. Mose 31:24

An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

1. Mose 31:26

Un o Laban penas ap o Jakobeste: “Hoi kral tu? Hoske chochral man un tchoral mire tchen mandar krik, har te wans jon an o kurepen tapedo?

1. Mose 33:18

Pal kowa was o Jakob mishto pash o foro Sichem, kai an o them Kanaan tchiddo hi. Kate atchas lo, har job dran o them Paddan-Aram was, un tchiwas peskre plachtene khera pre glan o foro.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.