1. Mose 31:24 - O Debleskro Drom 2021 (Sinte)

²⁴ An i rati was o Dewel an i suni pash o Laban, ko Aramari. Un penas ap leste: “Kre o Jakobes kek tchilatchepen un de jak ap tire laba, hoi rakreh o Jakobeha!”

O Debleskro Lab 2024 (Sinte-Manouche)

²⁴ An i rati vas o Devel an i souni pash o Laban, ko Aramari. Oun penas ap leste: “Kre o Yakobes kek čilačepen oun de yak ap tire laba, hoy rakreh o Yakobeha!”

1. Mose 31:24 ပူးပေါင်းရင်းမြစ်များ

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

1. Mose 24:50

Koi penan o Laban un o Betuel: “Kau koowa kras halauter o baro Dewel. Pral ko koowa nai penah mer tchi, kek latcho koowa, witar kek tchilatcho koowa.

1. Mose 28:5

Un o Isaak mukas o Jakobes te djal. Un job djas an o them Paddan-Aram pash o Laban. Koleskro dad his o Aramari Betuel. O Labaneskri pheen his i Rebekka, koi dai o Jakobestar un o Esaestar.

1. Mose 31:10

Har ko tsiro was, kai wan i vieche bipandlo, dikom an i suni i mursh busja, kai djan ap i viechende. Len his kotja wawar ballentsa har ko wawar bal. Kol kotja his lengsto un sano, ninna bud un tikne, ninna bare kotja.

1. Mose 31:11

Un o Debleskro bolepaskro penas ap mande an i suni: ‘Jakob!’ Penom: ‘Ake hom.’

1. Mose 31:23

Un o Laban las peskre phralen peha. Un khetne lan le o Jakobes palla efta diwessa un hatsan les ap i berge Gilead.

1. Mose 31:25

Un o Laban was pash o Jakobeste ap kol berge, kai job peskro plachteno kheer pre tchiwas. Un ninna o Laban peskre phralentsa tchiwas peskro plachteno kheer pre ap kol berge Gilead.

1. Mose 31:29

Kowa hi an miro wast, te krap tuke tchilatchepen. Krau kowa gar. O Dewel tumaro dadestar rakras mantsa taissar rati un penas ap mande: ‘Kre o Jakobes kek tchilatchepen un de jak ap tire laba, hoi rakreh o Jakobeha!’

1. Mose 31:42

O Dewel miro dadestar, kai ninna o Abrahameskro Dewel hi, un kolestar trashell miro dad Isaak, te wals ko Dewel gar ap miri rig, tchatchepah, mukals man tchorweles te djal. O Dewel dikas, har marom man tuke tele un har pharo miri budi his. Doleske his job taissar rati ap miri rig tardo.”

1. Mose 31:7

Tumaro dad chochras man: Deesh kope kras lo miro plaissepen wawartchandes. O Dewel mukas les gar te krell lo mange tchilatchepen.

1. Mose 40:5

Jek rati dan kol dui suni, o pralstuno pral o pipen un o pralstuno pral o maro. Hakeno das suni. Un koi suni kamas lenge tchomone te penell.

1. Mose 41:1

Pal dui bersha das o baro rai suni: An i suni dikas pes job tardo pash o pani Nil.

2. Samuel 13:22

O Absalom rakras gar peskro phraleha, o Amnon, gar tchilatches, witar gar latches, jaake midjak his lo ap leste, doleske, kai job ap leskri phenjate bari ladj anas.

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Hiob 33:25

Pale lell lo pale newi soor, well sasto un sorelo, har an ko tsiro, kai lo terno his.

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Hosea 12:12

An o foro Gilead mangenn le chochene deblen an. Tchi-moldo hi kolla, kai kowa krenna! An o foro Gilgal marenn le gurma i chochene deblenge. Doleske wenn lengre pre-tchidde barra trujel dino, un atchenn tchiddo ap i hachetikri phub.

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

4. Mose 22:20

Koi was o baro Dewel an i rati pash o Bileam, un penas ap leste: “Wan kol mursha, te denn jon tut gole, te djas lentsa, palle dja lentsa!”

4. Mose 22:26

Koi djas o baro Debleskro bolepaskro dureder, un was pale kote ap o drom, kai gar buchlo his, kai kek platsa his, te djas job nai tchatches, witar gar serwes.

4. Mose 24:13

Ninna te dell man o Balak peskro kheer pherdo rup un sonakai, nai tchiwau me gar o Debleskro lab ap i rig. Me nai rakrau gar latchepen un tchilatchepen har me kamau. Hoi o baro Dewel rakrella, kowa rakrau ninna.

Mateo 1:20

Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

Mateo 2:12

Un an i suni penas o Dewel lenge, te djan le gar pash o Herodeste pale. Jaake djan le penge, te wenn le ap i wawar drom an pengro them pale.

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.